நீங்கள் வியாதியின் காரணமாக , சிவராத்திரியின் 12 மணி நேரத்திலும் விழித்துக் கொண்டு இருந்தால் , அது உங்களுக்கு தெய்வத்தின் அருளைப் பெற்றுத் தராது.நீங்கள் உங்களது வாழ்க்கைத் துணைவருடன் சண்டை போட்டுக் கொண்டு விட்டு ஒரு நாள் முழுவதும் சாப்பிடாமல் இருந்தால் அது, இறைவனது புத்தகத்தில் ஒரு உபவாசமாக குறித்துக் கொள்ளப் பட மாட்டாது. குடி போதையில் நீங்கள் சுய நினைவின்றி கிடந்தால் ,உங்களை சமாதி நிலையை அடைந்த ஒருவராகக் கணக்கில் எடுத்துக் கொள்ள மாட்டார்கள். எந்த போக்தரும் (சுகத்தை நாடுபவர் ), பக்தராக இருக்க முடியாது; அதாவது இறைவனது சேவையிலிருந்து கிடைக்கும் லாபத்திலேயே கண்ணாக இருப்பவர் ஒரு உண்மையான பக்தனாக இருக்க முடியாது.இப்படிப் பட்ட மனிதர்கள் ஒரு நாள் இறைவனை வானளாவப் போற்றுவார்கள்; அவர்களது நல்ல காலம் வற்றி விட்டால், மறு நாளே அவனைத் தூற்றுவார்கள் . ஆன்மீக உபன்யாசங்களில் கேட்ட அம்ருத மயமான வாக்கியங்களை உங்கள் இதயங்களில் போற்றிக் காப்பாற்றுங்கள் ; உங்கள் தியானத்தின் அமைதியில் அவற்றை சிந்தித்துப் பார்த்து விலை மதிக்க முடியாத மனிதப் பிறவியின் அரிய குறிக்கோளை அடையப் பாடு படுங்கள் .