ஏழு நாட்கள் நடத்தப் படும் சப்தாஹத்தின் முடிவு ஸமாப்தி எனப்படுகிறது. ஆனால் . இந்த வார்த்தைக்கு ஒரு ஆழ்ந்த பொருளும் உண்டு. அதாவது ,ஸமத்தை ( பிரம்மன் அல்லது தெய்வம் ) பெறுவது (ஆப்தி) என்பதாகும். அதுவே , ஆன்மீக பாடங்கள் மற்றும் உபன்யாசங்களைக் கேட்பது,அவற்றைப் பற்றி சிந்திப்பது மற்றும் அவற்றை உட்கிரஹிப்பதன் ( ஸ்ரவணம் , மனனம் மற்றும் நிதித்யாஸனம் ) இறுதிப் பலனாகும். உலகியலாகப் பார்த்தால்,ஒரு தொடர்ந்த அமர்களின் முடிவு என்று பொருள் படுகிறது.: ஆன்மீகமாகப் பார்த்தால் காலத்தைக் கடந்து நிற்பது என்று பொருள் கொள்ள வேண்டும் ! அனைத்து ஆன்மீக சாதனைகளின் ஒட்டு மொத்தப் பொருள் என்ன? உங்களது நிரந்தரமான சாந்தி, சந்தோஷங்களின் தேடுதலில் ,நீங்கள் புலனின்பங்களை நாடுவதை விட்டு விட வேண்டும் என்பதே ஆகும்.உலகியலான செல்வங்கள் அவற்றுடன் சந்தோஷத்தை மட்டும் அல்லாது ,துக்கத்தையும் கொண்டு வருகின்றன . செல்வங்களைக் குவிப்பதும், ஆசைகளைப் பெருக்கிக் கொள்வதும்,இன்பமும், துன்பமும் மாறி மாறி வரும் நிலைக்கே இட்டுச் செல்லும்.பற்றுதலே இன்பம், துன்பம் என்ற இரண்டிற்கும் மூல காரணமாகும்: பற்றின்மையே ரக்ஷகனாகும்.

இப்போதிலிருந்தே பற்றுதலை விடப் பழகிக் கொள்ளுங்கள்; கொஞ்சம்,கொஞ்சமாகப் பழக்கப் படுத்திக் கொண்டு வாருங்கள், ஏனெனில், என்றாவது ஒருநாள், நீங்கள் பிரியமானவை என்று பிடித்துக் கொண்டு இருக்கும் அனைத்தையும் விட்டு விட வேண்டி இருக்கும் - பாபா