இறைவன் பால் கொண்ட ப்ரேமையில் தோய்ந்த இதயம் , ஒருபோதும், வன்முறைச் சிந்தனைகளுக்கு இடமளிக்காது. இறைவன் முன் மண்டியிட்டுப் பணிந்து விட்டு,பிறரை உங்களுக்கு மண்டியிடுமாறு செய்வது வெறும் பாசாங்குத் தனமே. தெய்வம் ப்ரேமையே. தெய்வம் சாந்தியே, தெய்வம் வலிமையே. இறைவனோடு தொடர்பு வைத்துக் கொண்டே ஒருவர் எவ்வாறு செருக்கோடும், எரிச்சலோடும் இருக்க முடியும்? பதற்றத்துடனும், கோபத்துடனும் இருக்கிறாரா? பலஹீனராகவும், தடுமாற்றம் உடையவராகவும் இருக்கிறாரா? அவர் இறைவனுடன் தொடர்பு கொண்டவர் என்று தம்பட்டம் அடித்துக் கொள்வதெல்லாம் ஒரு கேலிக்கூத்தான குறையே; அது உண்மையாக இருக்க முடியாது.ஒரு மரம் அதன் பழத்தைக் கொண்டு மதிப்பிடப் படுகிறது.காலத்திற்குக் காலம் மாறும் அரசியல் எல்லைகளுக்கு உட்பட்டதாகவோ அல்லது தாற்காலிகத் தேவைகளுக்கு ஏற்றவாறு ஒட்டப் பட்டு ,பின் நீக்கப்படும் மத சம்பந்தமான முத்திரைகளுக்கு உட்பட்டதாகவோ இல்லாத, பிரபஞ்சமயமான ப்ரேமையை தலைவர்கள் வளர்த்துக் கொள்ள வேண்டும். பல நூற்றாண்டுகளாக, இந்த நாட்டின் அனைத்து கோவில்கள், புண்ணிய க்ஷேத்திரங்கள், சன்னிதிகள், கர்ப்பக்ருஹங்கள் ஆகியவற்றில் இருந்தும், கோடிக்கணக்கான மக்களிடமிருந்தும், எழும் பிராரத்தனை; ஸர்வே ஜனா ஸூகினோ பவந்து – உலகிலுள்ள அனைத்து மக்களும் க்ஷேமமாக இருக்கட்டும் – ஸமஸ்த லோகாஸ் ஸூகினோ பவந்து- அனைத்து உலகங்களும் க்ஷேமமாக இருக்கட்டும் – என்பதே ஆகும்.