பக்தி என்பதை, உங்களது பூஜை அறையின் நான்கு சுவர்களுக்கு உள்ளேயோ அல்லது நீங்கள் செய்கின்ற சில நிமிட தியானத்தோடு மட்டுமோ நிறுத்தி விடக் கூடாது. அது ஒரு முழு நேர ஆன்மீக சாதனையாகும். ஒவ்வொரு ஜீவராசியையும், தெய்வீகத்தின் திருவுருவமாக வழிபடுவதாக, உங்களது பக்தி வெளிப்பட வேண்டும். தெய்வத்தை ஒவ்வொருவரிடமும்,நீங்கள் உங்களது எதிரிகளாகக் கருதுபவர்கள் இடமும் கூட,காணுங்கள். அப்படிப் பட்ட பரந்த மற்றும் அனைத்தையும் உள்ளடக்கிய ப்ரேமையைக் கடைப்பிடியுங்கள். உணர்வுகளுக்கு விடை அளிக்காத அல்லது அவற்றை பிரதிபலிக்காத ஒரு கல் விக்ரஹத்தின் மீது அன்பையும், மரியாதையையும், செலுத்துவதன் மூலம் நீங்கள் எவ்வாறு சந்தோஷத்தைப் பெற முடியும்? உயிருள்ள ஜீவராசிகள், பாராட்டையும்,நன்றி உணர்வையும் திரும்ப அளித்து உங்களை வாழ்த்துவார்கள்.அவர்களின் முகங்களில் ஆனந்தம் பெருகுவதை நீங்கள் காண முடியும்.அதுவே உங்களுக்குத் திருப்தியைத் தந்திடும். சக மனிதர்களை நேசிப்பதை, உங்களுக்கே நீங்கள் பாடமாகப் புகட்ட முடியாவிட்டால், இறையார்ப்பணம் என்ற பாதையை நீங்கள் எவ்வாறு பின்பற்ற முடியும் ?