உடல் நலத்தைப் பேணிக் காப்பதற்கு, சாப்பிடுவதைத் தொடர்ந்து , வேண்டாதவை வெளியேற்றப் பட வேண்டும் ;சுவாசம் உள் வாங்கப் பட்ட பின் , அது வெளியேற்றப் பட வேண்டும்; இரத்தம் நாளங்களில் உள் புகுந்து சீராகப் பாய்ந்து , பரவ வேண்டும் . வாங்கிக் கொள்வதும் ,விட்டு விடுவதும் ஒரே செயல்முறையின் இரண்டு பக்கங்களே .இது தனி மனிதர்கள் ,சமூகங்கள் , நாடுகள் மற்றும் மனித குலத்திற்கே கூடப் பொருந்தும் . தியாகம்,பற்றின்மை மற்றும் சேவையைப் பொறுத்தே முன்னேற்றமும்,சாந்தியும் இருக்கும். எங்கும், எப்போதும் ,சேவைக்கான அறைகூவலுக்காகக் காத்திருங்கள்:ஒரு புன்னகை, ஒரு கனிவான வார்த்தை , ஒரு பயனுள்ள ஆலோசனை ,ஒரு புத்திசாலித்தனமான பரிவு மற்றும் ஒரு இனிமையான பதில் ஆகியவற்றுடன் தயாராக இருங்கள்.நிவாரணம் ,மீட்பு மற்றும் புத்துயிர் ஊட்டுவதற்கான வாய்ப்புக்கள் எங்கு உள்ளன என்று உங்களைச் சுற்றிப் பாருங்கள். சிறந்த முறையிலும் ,நன்றாகவும் உதவி அளிப்பதற்கான பயிற்சிகளை உங்களுக்கே செய்து கொள்ளுங்கள் .சேவை, கல்லிலும் கூட ஒரு விதையை ஊன்றி விட்டு அது முளை விட்டு வருவதைக் கண்டு பூரிக்கிறது ! அதை அன்புடன் நடுங்கள் ; அந்த விதையே கல்லினுள்ளும் கூட அன்பைக் கண்டறிந்து அதிலிருந்து வாழ்வாதாரத்தைப் பெற்றுக் கொள்ளும் .சேவையே, மிகச் சிறந்த பயனளிக்கும், மிகச் சிறந்த திருப்தி தரும் , மிகச் சிறந்த இன்பம் அளிக்கும் ஆன்மீக சாதனை ஆகும்.அது அன்பிலிருந்து ஊற்றெடுத்து , அபரிமிதமாக அன்பை எங்கும் பரப்புகிறது .