தெய்வீக ஆத்மாவின் திருவுருவங்களே! இன்றைய உலகின் நிலைமை பயங்கரமானதாகவும், பயமுறுத்துவதாகவும் உள்ளது.நீங்கள் எங்கு திரும்பினாலும், பயம் உங்களை எதிர்கொள்கிறது.நீங்கள் வீட்டில் இருந்தாலோ அல்லது வீதியில் திரிந்தாலோ,ரயிலில் பயணித்தாலோ அல்லது வீதியில் நடந்து சென்றாலோ, அச்சம் உங்களை ஆக்கிரமித்துக் கொள்கிறது. இந்த உலகமே பயத்தால் மூடப்பட்டு உள்ளது.நீங்கள் இந்த பயத்தை விரட்டி அடிக்க விரும்பினால், தெய்வம் ஒன்றே கதி என்ற உறுதியான நம்பிக்கையை வளர்த்துக் கொள்ள வேண்டும்.பின்னர் நீங்கள் பயத்திலிருந்து விடுபட்டு விடுவீர்கள். உங்களது பணிகளை, அனைத்து பயத்தையும் விடுத்து, எதிர்காலத்தைப் பற்றிய எந்தக் கவலையும் இன்றி, ஆற்றிக் கொண்டு செல்லுங்கள். சேவைப் பணிகளில், தைரியத்தோடும், மன உறுதியோடும் ஆழ்ந்து விடுங்கள். இப்படிப் பட்ட, அசைக்க முடியாத நம்பிக்கையுடன் நீங்கள் செயல்பட்டால், உங்களது குடும்பத்திற்கும், நாட்டிற்கும், இந்த பிரபஞ்சத்திற்கும் கூட நீங்கள் சேவை ஆற்ற முடியும். உங்களது புத்திகூர்மை இந்த நாட்டைக் காக்க பயன்படாது. நீங்கள் சத்தியத்தையும், தர்மத்தையும் பற்றி ஒழுகினால், அதுவே உங்களையும்,உங்கள் குடும்பம் மற்றும் நாட்டையும் காக்கும். உங்களது உண்மை நிலைக்கு ஏற்றபடி வாழ்ந்து காட்டுங்கள். எப்போதும் தார்மீகமாக செயல்படுங்கள் !