உங்களை, உடல், மனம் மற்றும் புலன்களின் கூட்டமைப்பு, உங்களது உள்ளார்ந்த தெய்வீகத்தை உணர விடாமல் தடுத்துக் கொண்டு இருக்கிறது. உடல் மற்றும் மனதின் மூலம் நீங்கள் கட்டுண்டு இருப்பதற்கு, நீங்களே காரணம். மனம் மற்றும் புத்தி என்ற கலவையின் தன்மையை நீங்கள் புரிந்து கொள்ளும்போது, உங்களது உண்மையான சாரத்தை உணர்வீர்கள்.நீங்களும், இறைவனும் ஒன்றே என்ற உறுதியான நம்பிக்கையை நீங்கள் வளர்த்துக் கொண்டு விட்டால், அதுவே போதும். ப்ரேமையின் மூலம், இந்த தெய்வீக ஒருமையில் அசைக்க முடியாத நம்பிக்கையை வளர்த்துக் கொள்ளுங்கள். இந்த ப்ரேமையே உங்களை, தன்னை உணர்தல் என்ற நிலைக்கு இட்டுச் செல்லும். நீங்கள் எங்கு இருந்தாலும், என்ன செய்தாலும், உங்களை இறைவனது கருவிகளாகக் கருதி, அந்த அடிப்படையில் செயலாற்றுங்கள். குரு பூர்ணிமாவிற்காக ஒரு முழு வருடம் நீங்கள் காத்திருக்கத் தேவையில்லை. உங்களது வாழ்க்கையின் ஒவ்வொரு தருணத்தையும் தெய்வத்திற்கு ஒரு அர்ப்பணமாகக் கருதுங்கள். எல்லாக் காலங்களிலும், எல்லா இடங்களிலும், தெய்வீகத்தை அனுபவிப்பதற்கு இதுவே மிகச் சிறந்த வழியாகும். இதுவே உண்மையான ஆத்ம சாக்ஷாத்காரமாகும்.தெய்வம் ஒவ்வொருவருள்ளும் உறைகிறது என்பதை உறுதியாக நம்பி, எப்போதும் அதன்படி நடந்து கொள்ளுங்கள். இடையறாத பயிற்சியின் மூலம், இப்படிப் பட்ட புனிதமான மனப்பாங்கு வளரும்.