ஒரு முறை நான் பலரை, அவர்கள் இறைவனது கைகளில் என்ன இருக்க வேண்டும் என விரும்புகிறார்கள் என்று கேட்டதற்கு, எனக்கு பலவிதமான பதில்கள் கிடைத்தன. சிலர் தாமரை என்றும்,மற்றவர்கள் சங்கு, சக்கரம் போன்றவை என்றும் கூறினார்கள்; ஆனால் ஒருவர் கூட புல்லாங்குழல் என்று கூறவில்லை ! நான் உங்களை புல்லாங்குழலாக ஆகுங்கள் என்று அறிவுறுத்துகிறேன்; பின்னர் இறைவன் உங்களிடம் வந்து, உங்களை எடுத்து, அவனது உதடுகளில் பொருத்தி,உங்கள் மூலம் சுவாசிப்பான். அஹங்காரமே இல்லாத உங்களது இதயத்தின் வெற்றிடத்தின் வாயிலாக, இந்த சிருஷ்டி அனைத்தும் மகிழவல்ல வசீகரிக்கும் இசையை உருவாக்கிடுவான். உங்களுக்கு என்று எந்த சங்கல்பமும் இன்றி, நேராக இருங்கள். இப்போதிலிருந்து நீங்கள் நடத்தும் வாழ்க்கை தெய்வீகப் பேரானந்தத்தில் தோய்ந்திருக்க வேண்டும். உங்களது சங்கல்பத்தை, தெய்வீக சங்கல்பத்துடன் ஒன்றரக் கலந்து விடுங்கள். தெய்வ சுவாசத்தையே சுவாசியுங்கள்.அப்படிப் பட்ட தெய்வீக வாழ்க்கையையே நீங்கள் பெற வேண்டும்.பிறந்த ஒவ்வொருவரின் குறிக்கோளும், ஜீவாத்மா, பரமாத்மாவுடன் ஒன்றரக் கலந்து விடும் இப்படிப் பட்ட தெய்வீக வாழ்க்கையே ஆகும்.