இப்போது, பஜனை முடிந்தவுடன் உங்களுக்குப் பிரசாதம் வழங்கப்படும். பிரசாதமும், தெய்வம் திருப்திப் படுத்தப் பட்ட போது, அவனிடமிருந்து பொங்கி வரும் தெய்வ அருளே.பிரசாதம் அளிக்கப் படும் போது, அதைப் பெறுவதற்கு நீங்கள் செய்ய வேண்டியது எல்லாம் ஒரே ஒரு சிறிய காரியமே – உங்கள் கரங்களை நீட்டி, அதை ஏற்றுக் கொள்வது தான் ! ஆனால் என் அருள் உங்களுடன் எப்போதும் இருக்கிறது; அது கொடுக்கப் படுவதோ அல்லது எடுத்துக் கொள்ளப் படுவதோ அல்ல. மேலும்,அதன் முக்கியத்துவத்தை அறிந்த ப்ரக்ஞானத்தால் எப்போதும் ஏற்றுக் கொள்ளப் படுகிறது. எப்போதும் தயாராக இருக்கும் இறை அருளை அது ஏற்றுக் கொள்வதற்கு, நீங்கள் உங்களது சொந்த உள்ளுணர்வின் அருளைப் பெற வேண்டும்.என் அருளின் மதிப்பை அதற்கு போதிப்பதன் மூலம், நீங்கள் அதைப் பெற முடியும். உங்களது உள்ளுணர்வு அதை ஏற்றுக் கொண்டு, பயனடைவதற்கு எவ்வளவு தூரம் தயாராக இருக்கிறது என்பதை அளவிடாமலே அல்லது கணக்கிடாமலேயே கூட, நீங்கள் எங்கிருந்தாலும் , என்னுடைய எல்லையற்ற ப்ரேமையின் மூலம், எனது அருள் பொழியப்படுகிறது. எனது அருளை நீங்கள் ஏற்றுக் கொள்ளும் போது, அதுவே உங்களுக்கு நம்பிக்கையையும், வலிமையையும், ஞானத்தையும், ஆனந்தத்தையும் அளித்து விடும்.