இறப்பிற்குப் பிறகும், நீங்கள் எடுத்துச் செல்லக் கூடிய ஒரே செல்வம், தெய்வத்தின் பால் நீங்கள் கொண்டுள்ள ப்ரேமையே.எனவே, உங்களது வாழும் தருணங்களில், அந்த செல்வத்தை ஈட்ட, உளமாற பாடுபடுங்கள். இதை தூய்மையான,அன்பான பக்தியின் மூலம் நீங்கள் எளிதாக சாதித்து விடலாம். இதை ஈட்டுவதற்கு, நீங்கள் உங்களது காலம், காயம் மற்றும் காரியங்களை, தெய்வ சேவைக்கு அர்ப்பணிக்க வேண்டும். இதைத் தான் அர்ஜூனன், பகவான் ஸ்ரீகிருஷ்ணர் அருளிய ஸ்ரீமத் பகவத் கீதையைக் கேட்ட பின் புரிந்து கொண்டான். தலைசிறந்த புத்திசாலியான அர்ஜூனன், ஸ்ரீகிருஷ்ணருடன் நடத்திய அனைத்து விவாதங்களுக்குப் பிறகு, இறுதியில் இந்த முடிவிற்கு வந்து, ‘’ கரிஷ்யே வசனம் தவ ( நீங்கள் எதைச் சொல்கிறீர்களோ அதைச் செய்கிறேன்)’’ எனப் பணிந்தான். மனிதர்கள் அவர்களது உடல் அல்லது புத்தி வலிமைகளை அன்றி,தெய்வ சக்தியையே சார்ந்திருக்க வேண்டும். தெய்வ சக்தி ஒன்றை மட்டுமே சார்ந்திருக்கும் ஒருவரே, உண்மையான சாந்தி மற்றும் ஆனந்தத்தை அனுபவிக்க முடியும். இப்படிப் பட்ட ஒரு மனிதர் மற்றவர்களின் விமரிசனங்களைப் பற்றிக் கவலைப் படத் தேவையில்லை.அவர்கள் பல தரப்பட்டவர்களின் கருத்துக்களை எதிர்த்து நின்று, அவர்கள் சத்தியம் என்று கருதுவதைப் பற்றி நிற்பார்கள். புகழ்ச்சியோ அல்லது இகழ்ச்சியோ பற்றிக் கவலைப் படாமல், நீங்கள் தெய்வத்தின் பால் உறுதியான நம்பிக்கையை வளர்த்துக் கொள்ள வேண்டும்.