மாணவர்களே, இளைஞர்களே! உங்களது இதயங்கள் மிருதுவானவை, அப்பழுக்கற்றவை. விசாலமான மனப்பாங்கினை வளர்த்துக் கொள்ளுங்கள். இந்தத் தருணத்திலிருந்தே நீங்கள் தூய எண்ணங்களைப் பேண வேண்டும். தன்னலமற்ற ப்ரேமை எனும் விதையை உங்கள் இதயங்களில் இடுங்கள். அது வளர்ந்து, அந்த ப்ரேமை எனும் மரத்திலிருந்து, நீங்கள் பொறுமை, கருணை மற்றும் பரிவு எனும் கனிகளைப் பெறுவீர்கள்.எப்போதும் புன்முறுவலுடன் இருங்கள். வாழ்க்கையின் ஒவ்வொரு சந்தர்ப்பத்தையும், மரணத்தைக் கூட, ஒரு புன்னகையுடன் எதிர் கொள்ளுங்கள்.சத்தியத்தை விட உயர்ந்தது எதுவும் இல்லை என்பதை உணருங்கள்.சத்தியமே தெய்வம்; தர்மமே , தெய்வத்தின் ஒரே ஆபரணம். இந்த இரண்டையும் உங்கள் வாழ்க்கையின் மிகச் சிறந்த அம்சங்களாகப் பற்றி ஒழுகுங்கள். உங்களது வார்த்தைகள், வெறும் உதடுகளிலிருந்து வெளிப்படுபவையாக இல்லாமல், இதயத்தின் ஆழத்திலிருந்து வர வேண்டும்.உங்களது சிந்தனைகள், சொற்கள் மற்றும் செயல்களில் பரிபூரணமான இசைவு இருக்க வேண்டும்.இறைவன் பால் மனக்குவிப்பு, நல் எண்ணங்களைப் பேணுதல் மற்றும் சக மனிதர்களின் சேவையில் உங்களை ஈடுபடுத்திக் கொள்வது ஆகியவற்றின் மூலம் உங்களது வாழ்க்கைகளைப் புனிதமாக்கிக் கொள்ள வேண்டும் என நான் விரும்புகிறேன்.