நீங்கள் உத்வேகத்தை வளர்த்துக் கொண்டு, தெய்வத்தின் அருகாமைக்கு இட்டுச் செல்லும் செயல்களில் உங்களை ஈடுபடுத்திக் கொள்ள வேண்டும். அனைத்து ஆன்மீக சாதனைகளும், ஒருவர் தன் மீது தெய்வ அருளை ஈர்ப்பதையே குறிக்கோளாகக் கொண்டுள்ளன.அதனால் தான் நீங்கள் ஒரு கோவிலுக்குச் சென்றவுடன் அங்கு தொங்கிக் கொண்டு இருக்கும் மணியை அடிக்கிறீர்கள்; இந்த ஓசை இப்போது வந்துள்ள பக்தனின் பால் இறைவனது கவனத்தை ஈர்க்கிறது.மணி அடிப்பதுடன் கூடவே, இதயத்திலிருந்து எழும் ஒரு உளமார்ந்த பிரார்த்தனையும் இருக்க வேண்டும். ஆன்மீக சாதனை, ஒரு குறிப்பிட்ட முறைகளை வெறும் இயந்திர மயமாக திரும்பத் திரும்ப செய்வதாகவோ அல்லது வரட்டு சம்பிதாயங்களை செயல் படுத்துவதாகவோ இருக்கக் கூடாது. மாயையே, நாம, ரூபங்களை உண்மை என நீங்கள் எடுத்துக் கொள்ளச் செய்கிறது. இந்த அனைத்து வேற்றுமைகளின் பின் இருக்கும் உண்மையை, ஒரு திரை போல அது மறைக்கிறது. மாயையை ஒரு அங்கி போல அணிபவனே மாதவன் ( இறைவன்); அதை உண்மை என நம்புவனே மானவன் ( மனிதன்). ஆன்மீக சாதனையின் மூலம், ஒருவர் மாயையின் கவர்ச்சியிலிருந்து தப்பித்து,எல்லாக் காலங்களிலும் நிலைத்து இல்லாததால், இவை அனைத்தும் பொய்மை என்பதை உணருகிறார்.