இன்று விஞ்ஞானம் ஒரு மகத்தான அளவு முன்னேறி உள்ளது.மனிதர்கள் வெளி வானில் பயணம் செய்கிறார்கள்.மனிதர்கள், விண்வெளியில் என்ன உள்ளது என்பதை அறிய விரும்புகிறார்கள் ;சந்திரனில் இருப்பதைப் பற்றி அறிவதில் ஆர்வம் காட்டுகிறார்கள்; ஏன் சூரியனுக்குக் கூட பயணம் செய்ய விரும்புகிறார்கள். ஆனால், என்ன பயன்? முதலில் உங்களுள் உள்ள தெய்வீகத்தை உணருங்கள்.உங்களது இதயத்தின் கதவுகளைத் திறவுங்கள். ப்ரேமையை மேலும் மேலும் வளர்த்துக் கொள்ளுங்கள். சத்தியத்தைப் புரிந்து கொள்ளுங்கள். தெய்வத்தை அனுபவியுங்கள்.அதில் தான் பேரானந்தம் இருக்கிறது. தெய்வத்தைத் தெரிந்து கொள்ளுவது என்பது மிகவும் எளிது; ஆனால் வெகு சிலரே இதைப் புரிந்து கொள்ளுகிறார்கள். உள்ளுறையும் தெய்வீகத்தைப் புரிந்து கொள்ள நீங்கள் எல்லா முயற்சியையும் எடுக்க வேண்டும். உள்ளுறையும் தெய்வீகம், அஹங்காரம் மற்றும் கோபத்தினால் மூடப்பட்டுள்ளது. அதனால் தான்,உண்மையான ஞானம், பற்றினை அழிக்கும்போது மட்டும் தான் உதயமாகிறது (மோஹம் ஹித்வா புனர் வித்யா) என்று கூறப்படுகிறது.இந்தப் பற்றுதல் எங்கிருந்து வருகிறது? அளவுக்கு மீறிய ஆசைகளே, பற்றுதலுக்கு இட்டுச் செல்கின்றன. நீங்கள், உங்களுள் ஆழ்ந்து ஆராய்ந்தால், தெய்வீகத்தை எங்கும் அனுபவிப்பீர்கள் !