அன்பின் திருவுருவங்களே! தெய்வம், அங்கிங்கெனாதபடி எங்கும் நிறைந்து இருக்கும் போது, அவரை நீங்கள் ஏன் தேட வேண்டும்? நீங்களே தான் தெய்வம் ! நீங்கள் உங்களது உண்மையான அடையாளத்தைத் தெரிந்து கொள்ளவில்லை என்றால்,அனைத்து ஆன்மீக சாதனைகளும் வீணாகி விடும் . முதலில் நீங்கள் யாரென்று தெரிந்து கொள்ளுங்கள் ! மற்றவர்களை, ‘’ நீங்கள் யார்? ‘’ என்று கேட்பதற்குப் பதிலாக, உங்களையே நீங்கள், ‘’நான் யார் ? ‘ என்று கேட்டுக் கொள்ளுங்கள். நீங்கள், ‘’ இது என்னுடைய புத்தகம் ‘’ என்கிறீர்கள் ! இந்த ‘’ நான்’’ யார்? இந்த ‘’ நான்’’, ‘’ எனது’’ என்ற உணர்வுகள் எல்லாம் மாயையே ! இவை அனைத்தும் பொருட்களால் ஆனவை. அவை அனைத்தும் எதிர்மறையானவை. பொருட்களாலான இந்த உலகின் எஜமானன் நீங்களே. உங்கள் மனதை வென்று, ஒரு மகத்தானவராக ஆகுங்கள். உங்களது உண்மையான அடையாளத்தைக் கண்டு கொள்ள நீங்கள் எல்லா முயற்சியையும் மேற்கொள்ள வேண்டும்.உங்களது உண்மை நிலையை அறிந்து கொள்ள, முதலில் உடல் பற்றினை விட வேண்டும். ’’ இது எனது கைக்குட்டை ‘’ என்று நீங்கள் கூறும்போது,’’ நீங்கள் ‘’, ‘’ கைக்குட்டையிலிருந்து’’ வேறுபட்டவராக இருக்கிறீர்கள். அதைப் போலவே, நீங்கள், ‘’ இது எனது உடல்’’,‘’ இது எனது மனம் ‘’ என்று கூறும்போது, நீங்களும், உடல் மற்றும் மனதிலிருந்து வேறுபட்டவரே அல்லவா? இன்னும் மீதி இருக்கும் கேள்வி , ‘’ நான் யார்?’’ என்பதே. இப்படிப் பட்ட இடையறாத ஆத்ம விசாரம், உங்களை ஆத்ம சாக்ஷாத்காரத்திற்கு இட்டுச் செல்லும்.