ப்ரேமையின் ஸ்வரூபங்களே ! இறைவன் நீங்கள் யாகங்கள் செய்ய வேண்டும், வேதங்களைப் படிக்க வேண்டும் என்று எதிர்பார்ப்பதில்லை. உங்களிடமிருந்து அவன் விரும்புவதெல்லாம் எட்டு விதமான ‘’ புஷ்பங்களே’’. அஹிம்ஸைப் புஷ்பமே, நீங்கள் இறைவனுக்கு அர்ப்பணிக்க வேண்டிய இந்த எட்டின் முதல் புஷ்பமாகும்.அஹிம்ஸை என்றால், சிந்தனை, சொல், மற்றும் செயலால் எந்த ஜீவராசிக்கும் தீங்கிழைக்காமல் இருப்பதே.மருத்துவர்கள், நோயாளிகளுக்கு , அவர்களது நோய்களிலிருந்து, நிவாரணம் அளிக்கும் பொருட்டு, பல அறுவை சிகிச்சைகளைச் செய்கிறார்கள். அறுவை சிகிச்சையின் போது, மருத்துவர்கள் உடலை, கத்தியினால் கிழிக்கிறார்கள்.இதை ஒரு வன்முறைச் செயல் என்று நீங்கள் கூற முடியாது , ஏனெனில் இது நோயாளிக்குப் பயன் அளிக்க வல்லது. சிலர், காய்கறிகளை வெட்டுவது கூட ஒரு வன்முறைச் செயல், ஏனெனில் காய்கறிகளுக்கும் மரங்களுக்கும் உயிர் உள்ளது என்று வாதிப்பார்கள். உண்மைதான், காய்கறிகளுக்கும், மரங்களுக்கும் உயிர் உள்ளது; ஆனால் அவற்றிற்கு மனம் இல்லை. அதன் விளைவாக அவை துன்பப் படுவதில்லை. மனம் உள்ள ஒருவரே இன்ப துன்பங்ளை அனுபவிக்கிறார். மனிதர்கள், விலங்குகள், பறவைகள் மற்றும் பூச்சிகளுக்கு மனம் உள்ளது; ஆனால் மரங்களுக்கும் , காய்கறிகளுக்கும் அல்ல.