மற்றவர்கள் உங்களை எப்படி நடத்த வேண்டும் என்று நீங்கள் விரும்புகிறீர்களோ, அவ்வாறே, நீங்கள் மற்றவர்களை நடத்துங்கள்.கடந்த காலத்தைப் பற்றிக் கவலைப் படாதீர்கள்.துக்கம் உங்களை ஆட்கொள்ளும் போது, கடந்த காலத்திலிருந்து அதே மாதிரி சம்பவங்களை நினைவு கூர்ந்து, உங்களது துக்கத்தை அதிகப் படுத்திக் கொள்ளாதீர்கள் ; மாறாக சந்தோஷமான நிகழ்வுகளை நினைவுக்குக் கொண்டு வாருங்கள் ! இப்படிப் பட்ட நினைவுகளிலிருந்து, தேறுதலையும், திண்மையையும் பெற்று, பொங்கி வரும் துக்க அலைகளிலிருந்து மேலெழுங்கள்.எப்போதும் ஒளியை நாடுங்கள்; தன்னம்பிக்கையும், உற்சாகமும் கொண்டவர்களாக இருங்கள். மனச்சோர்வுக்கு இடம் அளிக்காதீர்கள்; அது ஒருபோதும் பயன் தராது. அது பிரச்சனையை மேலும் மோசமாக்கவே செய்யும்; ஏனெனில் அது புத்தியை இருட்டடித்து உங்களை சந்தேகத்தில் ஆழ்த்தும்.ஆன்மீக சாதனையின் பாதையை மிகவும் உற்சாகத்துடன் மேற்கொள்ளுங்கள். அரை மனதான,தயக்கமான முயற்சிகள் பலன் தர மாட்டா. இது, சேறு படிந்த இடத்தை, ஒரு தண்ணீர் ஊற்றால் அலம்புவது போன்றதாகும். தண்ணீர் ஊற்றின் வேகம் குறைவாக இருந்தால், சேற்றை அகற்ற முடியாது. நீர் ஊற்று வேகமாகவும், முழுமையாகவும், முன்னால் இருக்கும் அனைத்தையும் விலக்கக் கூடியதாகவும் இருக்க வேண்டும் ; அப்போது தான் சேற்றை சுத்தமாக அகற்ற முடியும்.