நாம், ஆன்மீகத் தீர்த்த யாத்திரைக்கு ஏற்ற கருவிகளாக, நம்மை உருவாக்கிக் கொள்ள வேண்டும். மனிதர்கள் நான்கு விதமானவர்கள். முதல் மற்றும் மிகச் சிறந்த வகையினர், தங்களது குறைகளிலும், பிறரது உயர்ந்த குணங்களிலும், கவனம் செலுத்துபவர்கள். தங்களது மற்றும் பிறரது உயர்ந்த குணங்களையும் பெரிது படுத்துபவர்கள், நடுத்தரமான இரண்டாவது வகையினர். மூன்றாவது மட்டமான வகையினர், தங்களது உயர்ந்த குணங்களிலும், பிறரது குறைகளிலும் மட்டுமே கவனம் செலுத்துபவர்கள். நான்காவதான மிகவும் மட்டமான வகையினர், தங்களது குறைகளை உயர்ந்த குணங்களாகவும், பிறரது உயர்ந்த குணங்களை, குறைகளாகவும் சித்தரிப்பவர்கள். நீங்கள் ஒவ்வொருவரும் எந்த வகையைச் சார்ந்தவர்கள் என்பதை நீங்களே கண்டு பிடித்துக் கொள்ளலாம். நீங்கள், பரிபூரணமான, புனிதமான, தெய்வீக ப்ரேமையான, பரமாத்மாவான, இறைவனை உணர வேண்டும் என ஏங்குபவர்களாக இருந்தால், நீங்கள் முதல் மற்றும் மிகச் சிறந்த வகையினரின் ஒரு அங்கமாக இருக்க உங்களைத் தயார் செய்து கொள்ள வேண்டும் என்பதை நினைவில் கொள்ளுங்கள். உங்களது சொந்த குறைகளைக் கண்டறிந்து, பிறரது உயர்ந்த குணங்களைக் கவனியுங்கள். இதுவே மிகவும் விரும்பத் தக்க ஆன்மீக சாதனையாகும்.