அவநம்பிக்கை என்ற நயவஞ்சகமான நோய் மனிதர்களிடையே இன்று ஏராளமாக பரவி உள்ளது. அது நம்பிக்கை எனும் இளம் தளிர்களைப் பொசுக்கி, வாழ்க்கையை சாம்பலாகவும், கரித்துண்டுகளாகவும் ஆக்கி விடுகிறது. சீர்தூக்கிப் பார்ப்பதற்கான அளவுகோல் எதுவும் உங்களிடம் இல்லை, இருந்தாலும் நீங்கள் தீர்மானிப்பதைப் போன்று நடிக்கிறீர்கள். சந்தேகம், கோபம், விஷம், வியாதி - இவை அனைத்தையும் அவை வளரும் முன்னரே அழித்து விட வேண்டும்.நம்பிக்கை இருக்கிறதோ இல்லையோ ஸ்ரீராம நாமஸ்மரணை செய்யுங்கள். அதுவே நம்பிக்கையைத் தூண்டி, நம்பிக்கையை வளர்ப்பதற்கான ஆதாரங்களையும் உருவாக்கும். மேலும், நீங்கள் பக்தராக விழைந்தீர்களானால், விருப்பு, வெறுப்புகளைத் தவிர்த்து ஒதுக்கி விட வேண்டும். நீங்கள் நன்றாகப் பாடுகிறீர்கள் என்றோ அல்லது உங்களது பூஜை அறையை அழகாக அலங்கரித்து இருக்கிறீர்கள் என்றோ தற்பெருமைப் படக் கூடாது. உங்களது பழக்க, வழக்கங்களில் சீரான முன்னேற்றம் இருக்க வேண்டும்; இல்லை என்றால், ஆன்மீக சாதனை ஒரு வீணான பொழுது போக்கே. உங்களது இல்லங்கள்,எந்த விதமான த்வேஷம், வன்மம்,தற்பெருமை அல்லது பொறாமையினால் பாதிக்கப் படாது, பிரசாந்தத்தில் அமிழ்ந்து இருக்க வேண்டும் . உங்களை இரட்சிப்பதற்காக இடப்படும் ஆணைக்குப் பணிவதன் பலனுக்கு ஈடாக எந்த வழிபாடும், தவமும் இருக்க முடியாது.