சத்தியத்தைத் தேடிப் போராடிய இலட்சிய மனிதர்களின் அனுபவங்களைப் பற்றித் தெரிந்து கொள்வதில் ஒவ்வொருவரும் ஆர்வம் கொள்ள வேண்டும்.; ஏனெனில் ஆனைவருக்கும் பாடுபடுவதற்கு ஒரு இலட்சியமும், சென்று அடைவதற்கான ஒரு இலக்கும் கண்டிப்பாக இருக்க வேண்டும். செடிகள் வளருவதற்கு , மண் தேவை; இலட்சியங்கள் மனதில் பதிவதற்கு ரிஷி மற்றும் முனிவர்களின் போராட்டங்கள் மற்றும் வெற்றிகளைப் பற்றிய அறிவு அத்தியாவசியம். இந்த அனுபவங்கள் ஒரே மாதிரியாக இருக்காது; அவர்களது உபகரணங்கள் மற்றும் உற்சாகத்தின் அடிப்படையில், ஒவ்வொரு ஆன்மீக சாதகரது கதையும் வெவ்வேறாக இருக்கும். எனவே, அவர்கள் அனைவரும் தெய்வீகமானவர்களே ஆனாலும்,திருஷ்டியும், பெருமையும் வெவ்வேறாக இருக்கும். அகத்திய முனிவரை எடுத்துக் கொள்ளுங்கள். அவர் மஹா ஸாகரத்தை ஒரே வாயில் குடித்து விட்டதாகக் கூறப்படுகிறது. சுக துக்கங்கள், ஏற்றத் தாழ்வுகள், வெற்றி,தோல்விகள் என்ற அலைகளைக் கொண்ட, பொருட்களாலான சம்ஸாரம் எனும் ஸாகரத்தை வற்றச் செய்து விட்டார் என்பதே இதன் உண்மையான பொருளாகும். ‘’ ஸாகரத்தைக் குடிப்பது ‘’ என்பது ஒரு சிறப்பு சாதனை அல்ல;ஒரு மகனைப் பெற்ற க்ருஹஸ்தனாக அவர் இருந்தாலும், உலகின் எல்லா விதமான பற்றுதல்களையும் வென்றவர் என்பதை விளக்கும் ஒரு நீதிக் கதையே அது.