ஒவ்வொரு செயலுக்கும் ஒரு எதிர் விளைவு உண்டு என்பதை நீங்கள் உணர வேண்டும். எவ்வாறு இடப்பட்ட விதையைப் பொறுத்தே ஒரு மரத்தின் தன்மை இருக்குமோ, அவ்வாறே ஒவ்வொரு செயலின் எதிர் விளைவும், அந்தச் செயலின் தன்மையைப் பொறுத்தே இருக்கும். ஒருவரது செயல்களின் எதிர் விளைவுகள் தப்ப முடியாதவை; இந்தக் காரணத்தினால் தான் மனுச் சக்ரவர்த்தி, அனைவரும் தர்மத்தைக் கடைப்பிடிக்க வேண்டும் என விதித்துள்ளார். செயல்களின் எதிர் விளைவுகள் உடனேயோ அல்லது தாமதித்தோ தோன்றலாம்; ஆனால் அவை கட்டாயம் ஏற்படும்.எப்போது நீங்கள் இறைவனை இடையறாது சிந்தித்து, அனைத்து செயல்களையும் தெய்வீக உணர்வுகளோடு செய்கிறீர்களோ, நீங்கள் மனிதப் பண்புகள் முழுமையாக மலர்வதை அனுபவிப்பீர்கள். செயல்களை, நீங்கள் தவிர்க்க முடியாது. நீங்கள் , வேலையை, வழிபாடாக மாற்ற வேண்டும். நீங்கள் செயலை ,இந்த உணர்வோடு ஆற்ற வேண்டும். நீங்கள் , செயலுக்கு மாற்றாக, பிரார்த்தனை செய்ய முடியாது. நீங்கள் வேலையையும், வழிபாட்டையும் இணைந்து ஆற்ற வேண்டும். எனவே, இப்போதிலிருந்து, உங்களது ஒவ்வொரு செயலையும், இறைவனுக்கு அர்ப்பணமாகக் கருதுங்கள்.