சந்தனக் கட்டையை அரைக்க அரைக்க, அது அதிகமான சந்தனக் குழம்பைத் தருகிறது. கரும்பைப் பிழியப் பிழிய அதிகமாக இனிமையான கரும்புச் சாறைத் தருகிறது. தங்கத்தை உருக்க உருக்க அது அதிகத் தூய்மை அடைந்து, மேன் மேலும் பிரகாசத்துடன் ஜொலிக்கிறது.அதைப் போலவே, ஒருவர் வாழ்க்கையின் இடர்பாடுகளை அனுபவிக்க அனுபவிக்க, ஒரு சீரிய மனிதரின் நற்குணங்கள், மேலும் மேலும் பரிமளிக்கிறது.அன்பின் திருவுருவங்களே! சீரிய வாழ்க்கையைப் பின்பற்றும் ஒருவருக்கு, வாழ்க்கையின் கஷ்டங்கள் எந்த விதமான தடையையும் ஏற்படுத்துவது இல்லை.இவைகள் இருந்த போதிலும், அவர் எப்போதும் சாந்தியாக இருந்து, இறைவனை இடையறாது தியானிக்கிறார். அனைத்து ஜீவராசிகளிலும் மனிதனாகப் பிறப்பது அரிய ஒன்றாகும் ( ஜந்தூனாம் நரஜன்ம துர்லபம்); எனவே, உங்களுக்குப் பரிசாகக் கிடைத்த இந்த வாழ்க்கை உண்மையிலேயே ஒரு மிகப் பெரிய அதிருஷ்டமே. இப்படிப் பட்ட மனிதப் பிறவியைப் பெற்ற நீங்கள் சீரிய சிந்தனைகளை வளர்த்துக் கொண்டு, உள்ளார்ந்த ஆனந்தத்தை அனுபவிக்க வேண்டும்.அதன் பிறகே, நீங்கள் உண்மையில் அதிர்ஷ்டசாலிகள்.