நீங்கள் ஒரு மனித உருவத்தை( நராகார) ஏற்றிருக்கும், அருவமான (நிராகார) பரப்பரம்மமே. நீங்கள் ஒரு அங்கம் என பாசாங்கு செய்யும் பரிபூரணத்துவமே; நீங்கள் உடல் போல நடிக்கும் ஆத்மாவே. பரமாத்மாவே அனைத்து ஜீவராசிகளுக்கும் ஆதாரம். அதன் அடியில் வீடுகள் கட்டப் படும் முன்பே ஆகாயம் இருந்தது; ஆகாயமே அவற்றை ஊடுருவி, அவற்றுள் வியாபித்திருந்தது. காலப் போக்கில், வீடுகள் இடிந்து குவியலாக மாறின, ஆனால் ஆகாயம் அவை எல்லாவற்றாலும் பாதிக்கப் படவில்லை ! அதைப் போலவே, ஆத்மாவும் உடலில் வியாபித்து, அந்த உடல் மண்ணில் வீழ்ந்த பின்பும், நிலைத்திருக்கிறது. விவரிக்க முடியாத, கண்களுக்குத் தெரியாத அதே மின்சாரம் தான், ஒரு பல்ப்,ஒரு ஃபேன்,ஒரு அடுப்பு,ஒரு குளிர் சாதனம் அல்லது ஒரு ஸ்ப்ரேயர் என அனைத்திலும் ஊடுருவி, அவை ஒவ்வொன்றையும், ஏன் அவை அனைத்தையும் ஒன்றாகவும், இயக்குகிறது !அதைப் போலவே, ஒரே பரப்ரம்ம தத்துவம் தான் அனைத்து ஜீவராசிகளையும் இயக்குகிறது ( ஈஸ்வர ஸர்வ பூதானாம்). அணுவிலும் அணுவாய், அண்டத்திலும் அண்டமாய் விளங்கும் தெய்வீக ஒளிக்கீற்றே, அந்த உள்ளார்ந்த உட்கருவாகும் !