தட்டி எழுப்பி, பயன்படுத்துவதற்காகக் காத்திருக்கும், மகத்தான திறன்கள், உங்களிடம் உள்ளன. வெளிப்படுத்த வேண்டிய பல திறமைகள் உங்களிடம் உள்ளன. அனைத்து ஜீவராசிகளை நேசிக்கவும்,உங்களது சுக, துக்கங்களைப் பகிர்ந்து கொள்ளவும், உங்களது புத்தியைத் திருப்திப் படுத்த மேலும் பல விஷயங்களைத் தெரிந்து கொள்ளவும், இயற்கை உங்களுள் தூண்டும் அற்புதம் மற்றும் ஆச்சரியத்தின் பின்னணியைத் தெரிந்து கொள்ளவும், ஒரு தூண்டுதலை சில சமயங்களில், நீங்கள் அனைவரும் உணருகிறீர்கள். உலகின் அனைத்து மூலைகளிலும் என்ன நடக்கிறது என்பதைப் பற்றிய செய்தியைத் திரட்டுவதில் நீங்கள் திறமை வாய்ந்தவர்களாக இருக்கிறீர்கள். உங்களை ஒன்று கேட்கிறேன். உங்களது சொந்த மனதின் மூலையில் என்ன நடக்கிறது என்பதை நீங்கள் அறிவீர்களா? ‘’ நான் யார்? ‘’ என்ற சாதாரண கேள்விக்கு உங்களுக்கு விடை தெரியுமா? இந்த முக்கியமான கேள்விக்குப் பதில் அளிப்பது அத்தியாவசியம் என்று நீங்கள் ஏன் உணரவில்லை? இதற்கு விடை தெரியாமல் மற்றவர்களை அவசரப்பட்டு கணிக்கவும், அவர்கள் இப்படி, அப்படி எனப் பட்டம் கட்டவும்,ஏன் அவர்களை பழிக்கவும் கூட எவ்வாறு நீங்கள் முற்படலாம் ? இதை உளமாற, நீங்களே கேட்டுக் கொண்டு, இந்தப் புதிருக்கான விடைகளை உங்களுக்கு உள்ளிருந்தே தேடுங்கள்.நீங்கள் உங்களையே, கண்டு பிடிப்பதற்கான முறையில், நமது மறை நூல்கள் உங்களுக்கு வழி காட்டும் !