தேவைப் படும் சமயங்களில் சகமனிதர்களின் உதவிக்குச் சென்று, அவர்கள் துன்பப்படும் சந்தர்ப்பங்களிலிருந்து அவர்களைக் காப்பதே ஒரு மனிதனின் மிகச் சிறந்த ஒழுக்கமாகும் என்பதை, அனைத்து மதங்களும், மறைநூல்களும், ஏற்றுக் கொள்கின்றன. ஸூக்ருதம் ஸர்வ பூதானாம் ( அனைத்து ஜீவராசிகளின் நலனை விரும்புவது), ஏகாத்மா ஸர்வ பூதா அந்தராத்மா ( ஒரே ஆத்மா தான் அனைத்து ஜீவராசிகளிலும் உறைகிறது) – இவையே வேதங்களின் மிகப் பிரசித்த பெற்ற நீதி மொழிகளாகும். அந்த ஒரே ஆத்மா தான் அனைத்து ஜீவராசிகளிலும் உறைவதால், அனைத்து ஜீவராசிகளுடனும், நட்புடன் இருப்பது ஒவ்வொருவரின் கடமையாகும். இந்த உண்மையை உணர்ந்து, அன்பின் அடிப்படையில், அனைவருக்கும் நல்லது செய்வது, மனிதனாகப் பிறந்த ஒவ்வொருவரின் கடமையாகிறது. இறைவனை எங்கும் தேட வேண்டிய அவசியமில்லை; ஏனெனில், இறைவன் எல்லா ஜீவராசிகளிலும் உறைகிறான். எனவே, இந்த உடலை, இறைவன் உறையும் ஆலயமாகக் கருத வேண்டும். இந்நாளில், மனிதர்கள் தீய எண்ணங்களை மனதில் உருவாக்கிக் கொண்டு, அதன் மூலம், இறைவன் கொலு வீற்றிருக்கும் இதயத்தை மாசுபடுத்திக் கொண்டு இருக்கிறார்கள்.