ஒருவர் கூட ஆன்மீக வெற்றிக்காக முயற்சி செய்யத் தயாராக இருப்பதில்லை. உங்களை மாவட்ட கலெக்டராக நேரடியாக நியமனம் செய்ய வேண்டும் என்று நீங்கள் உரிமை கோரினால், அதை எவ்வாறு செய்ய முடியும்? அதற்கு, படிப்பு, ஆற்றல், திறமை, அனுபவம் போன்ற சில தகுதிகள் இருக்க வேண்டும். பூ, பழமாக ஆக வேண்டும், அந்தப் பழம் கனிய வேண்டும்; அந்தக் கனிவு இனிப்பாகப் பரிமளிக்க வேண்டும். எனவே, ஒவ்வொன்றும்,அதற்கான நேரத்தில் தான் நிகழும்! எனவே, இன்றிலிருந்து, நற்செயல்கள், நல்லெண்ணங்கள், மற்றும் நல்ல நட்பு வட்டத்தில் மட்டுமே ஈடுபடுவோம் என உறுதி எடுத்துக் கொள்ளுங்கள். ஒரு கணத்தைக் கூட வெட்டிப் பேச்சுக்களிலும் அல்லது வீண் தம்பட்டம் அடித்துக் கொள்வதிலும் அல்லது கீழ்த்தரமான கேளிக்கைகளிலும், வீணடிக்காதீர்கள். நல்லவைகளையே செய்யுங்கள், இதமாகவும், இனிமையாகவும் பேசுங்கள், ஒருபோதும் மற்றவரைக் காயப்படுத்தவோ அல்லது இழிவுபடுத்தவோ செய்யாதீர்கள், தேவைப் படுபவர்களுக்கு சேவை செய்யுங்கள், இறைவனது ரூபத்தை எப்போதும் மனக்கண் முன் வைத்திருங்கள். இறைவனை, நிலையாக உங்கள் இதயத்தில் பிரதிஷ்டை செய்யுங்கள். பின்னர் பொருட்களாலான இந்த உலகத்தில் கூட எங்கும் இறைவனையே காண்பீர்கள் ! ஏனெனில் இந்த பிரபஞ்சத்தில் அனைத்தும் உண்மையில் தெய்வீகமே ( ஸர்வம் ப்ரம்மமயம்) !