இயற்கையின் தோட்டத்திலிருந்து மிகவும் ஊட்டமளிக்கக் கூடிய பழத்தை, மனிதர்கள், உண்ணத் தேர்ந்தெடுக்காதது, உண்மையில் பரிதாபகரமானதே. மனிதர்கள் தவறான மரங்களில் ஏறி, தவறான பழங்களைப் பறிக்க முயலுவதால், அவர்களது பசி பாழடைந்து, அவர்களது சுவை கீழ்த்தரமடைந்து, அவர்களது ஆரோக்யம் அழிக்கப் படுகிறது.ஒருவரது பசியை, இறைவனது மாட்சிமையே தீர்த்து வைக்க முடியும்; ஏனெனில் அவரே அந்த மாட்சிமையின் ஒரு அங்கமாகும். நீங்கள் தர்மத்தைக் கடைப்பிடித்தால் மட்டுமே, இறை அருளைப் பெற முடியும். தர்மம் இயற்கையாகவே ,ஆத்ம நிவேதன உணர்வைத் தூண்டி, அதை அயராது வளர்க்கிறது. தர்மத்தைக் கடைப்பிடிப்பது, உங்களது புலன்கள், உணர்ச்சிகள் மற்றும் உணர்வுகளுக்கு அளிக்கும் பயிற்சியால், நீங்கள் நிலைகுலையாத நம்பிக்கை மற்றும் பற்றின்மையைப் பெற முடியும். இறைவன் தர்மத்தின் உருவாகவே கருதப்படுகிறான். பகவான் ஸ்ரீராமர் உண்மையில் ‘’ விக்ரஹவான் தர்ம ‘’( தர்மத்தின் ஸ்வருபம் ) என்றே அழைக்கப் படுகிறார். நீங்கள் தர்மத்தின் வரம்புகளை மீறி, தவறிழைத்தால், வாழ்க்கை எனும் விளையாட்டில் , நீங்கள் ஒருபோதும் வெற்றி பெற முடியாது !