ஒரு பழைய வருடம் முடிந்து, ஒரு புது வருடம் வந்துள்ளது; மக்கள் புத்தாண்டின் வரவை சந்தோஷமாகக் கொண்டாடுகிறார்கள்.மனித குலத்தின் வரலாற்றில், எத்தனை நூற்றாண்டுகள் கழிந்து விட்டன என்பதை நீங்கள் அறிவீர்களா? நடந்த வந்த பாதையைத் திரும்பிப் பார்ப்பதனால் எந்தப் பயனும் இல்லை – உங்கள் கடமை முன்னால் உள்ள பாதையை கவனித்து, சீராக உங்கள் குறிக்கோளை நோக்கிச் செல்வது தான். நம்பிக்கை இன்மையே, உங்களை நிதானத்தை இழக்க வைத்து, கோபப் பட வைக்கிறது; இது, உங்கள் மீதும், பிறர் மீதும் நம்பிக்கை இன்மையினால் தான். நீங்கள், மறை நூல்கள் பறை சாற்றுவதைப் போல, உங்களை உண்மையிலேயே வெல்லவே முடியாத பரமாத்மாகவே இனம் கண்டு கொண்டு, உங்களைச் சுற்றியுள்ள அனைவரையும் உங்களது பிரதிபிம்பங்களாகவே கண்டீர்கள் என்றால், நீங்கள் ஒரு போதும் கோபப்பட மாட்டீர்கள். மங்களகரமான இந்த புத்தாண்டு தினத்தில் நீங்கள் எடுத்துக் கொள்ள வேண்டிய பிரதிக்ஞை, ஆன்மீகப் பாதையில் நிலையாக முன்னேறி உங்களது தெய்வீகத்தை வெளிப்படுத்துவோம் என்பது தான். முதலில் கடைப்பிடிப்போம், பின்னரே போதிப்போம் – இந்த ஒன்றைச் செய்வோம் என்று உறுதி பூணுங்கள்.