பொருட்களுடன் புலன்கள் கொள்ளும் சம்பந்தம், ஆசை மற்றும் பற்றுதலைத் தூண்டுகின்றது ; இது முயற்சிக்கும், அதன் விளைவாக பரவசத்திற்கோ அல்லது விரக்திக்கோ இட்டுச் செல்கிறது !பின்னர், தோல்வியினால் விளையும் நஷ்டம் அல்லது துக்கத்தைப் பற்றிய பயம் ஏற்பட்டு, விளைவுகளின் தொடர்ச்சி நீண்டு கொண்டேபோகிறது. ‘’ காண்பவர்’’, தன்னை, ‘’காண்பவற்றுடன்’’ பற்றுதல் கொள்ளாது இருத்தல் வேண்டும்: அதுவே மகிழ்ச்சியுடன் வாழ்வதற்கான ரகசியம் ஆகும். எல்லாக் காற்றும் வீசுவதற்கு ஏற்றவாறு பல கதவுகளையும், ஜன்னல்களையும், திறந்து வைத்துவிட்டால், விளக்கின் தீபம் எவ்வாறு எரிய முடியும்? இங்கு தீபம் என்பது உங்களது மனமாகும்: அது வெளி உலகின் கோரிக்கைகளால் பாதிக்கப் படாமல், நிலையாக எரிய வேண்டும். இறைவனிடம் பரிபூரண சரணாகதி அடைவது இந்த கதவுகளையும், ஜன்னல்களையும் மூடுவதற்கான ஒரு வழியாகும். ஏனெனில், நீங்கள் பரிபூரணமாக இறைவனிடம் சரணாகதி அடைந்து விடும் போது, நீங்கள் அஹங்காரமற்றவர்களாக ஆகி விடுவதால், சுகம் அல்லது துக்கத்திற்கு இடையில் சிக்கிக் கொள்வதில்லை. சரணாகதி, உங்களது வாழ்வில் ஏற்படும் அனைத்து நெருக்கடிகளையும் எதிர் கொள்வதற்குத் தேவையான இறை அருளைப் பெற்றுத் தருவதோடு, உங்களை ஒரு மாவீரனாகவும், நிலை குலையாதவராகவும், வாழ்க்கையின் சவால்களை எதிர் கொள்வதற்கு மிகவும் தயாரானவராகவும் ஆக்கி விடுகிறது.