புத்தி, வாத, ப்ரதிவாதங்களில் திளைக்கிறது. ஒருமுறை நீங்கள் வார்த்தை ஜாலங்களின் கவர்ச்சிக்கு இடம் கொடுத்து விட்டால், அதன் பிடிகளிலிருந்து தப்பித்து ஆனந்தத்தை அனுபவிப்பதற்கு, உங்களுக்குப் பல காலம் பிடிக்கும். எனவே, வாதங்களின் வரம்பைப் பற்றிய விழிப்புணர்வோடு இருங்கள். தர்க்கம் செய்வது, அன்பு மற்றும் பக்திக்கு இடமளித்திட வேண்டும். இறைவனது பாதையில் செல்ல,புத்தி, உங்களுக்கு சிறிது தூரம் வரை தான் உதவியாக இருக்கும்; அதன் பிறகு மீதமுள்ள தூரம், உள்ளார்ந்த உணர்வினால், உந்தப்பட்டு, ஒளியூட்டப் பட வேண்டும். பெரும்பாலும், அஹங்காரம், தரிகெட்டு அலைவதை ஊக்குவித்தும், நியாயப்படுத்தவும் செய்கிறது ; ஏனெனில், அவர்கள் விரும்புவது அப்படிப் பட்ட பாதையாக இருக்குமானால், அந்தத் தவறான பாதையில் , ஒருவரை அவர்களது தர்க்கமே இட்டுச் சென்று விடும். நீங்கள் பெரும்பாலும், நீங்கள் சென்றடைய விரும்பும் முடிவிற்கே, வந்து விடுகிறீர்கள் ! தர்க்க வாதத்தை, ஒழுங்குக் கட்டுப்பாட்டினாலும், கருணை, அமைதி, சகிப்புத் தன்மை மற்றும் பொறுமை (தயை,சாந்தம்,க்ஷமா மற்றும் ஸஹானா) ஆகியவற்றை முறையாகக் கடைப்பிடிப்பதன் மூலம் மட்டுமே அடக்க முடியும். அதை, சிறிது தூரம் அமைதியாக நடக்கப் பயிற்றுவித்த பின், அதனது சாந்தமான தன்மையைப் பற்றி உங்களுக்கு நம்பிக்கை வந்த பிறகு, காம, க்ரோத, லோப, மோஹ, மத, மாத்ஸர்யம் என்ற ஆறு மடங்கு கவர்ச்சிகளால் ஆன கடுமையான பாதையில், நீங்கள் அதை இட்டுச் செல்லலாம் .