எவ்வாறு ஒரு பித்தளைப் பாத்திரத்தை, புதிய ஒன்றைப் போலப் பளபளப்பதற்காக, புளி போட்டு நன்றாகத் தேய்த்து, அலம்பிக் காய வைக்க வேண்டுமோ , அவ்வாறே, உங்கள் மனதையும், நல்லவை மற்றும் சேவை, இறை நாமஸ்மரணை, நற்காரியங்களை ஆற்றுதல், அனைவரது க்ஷேமத்தையும் தியானித்தல் போன்றவைகளால் பதப்படுத்த வேண்டும். சூரியன் ஒவ்வொரு நாளும் ஆகாயத்தின் உச்சியில் இருக்கிறான். கலையும் மேகங்களே சில சமயம் அதை உங்களது திருஷ்டியிலிருந்து மறைக்கின்றன.அதைப் போலவே, உங்களது இதயக் குகையில் என்றும் பிரகாசித்துக் கொண்டு இருக்கும் ஆத்மாவை, மேகங்களைப் போன்ற புலன்களாலான இந்த உலகமே, மறைத்து விடுகிறது.இந்த மேகங்களை ஒன்று சேர்க்கும் அதே மனதே, அவற்றை ஒரு நொடியில் கலைக்கவும் வல்லதாகும் ! ஏனெனில் காற்றே அவற்றை நான்கு திசைகளிலிருந்தும், சேகரித்து, ஆகாயத்தை இருட்டாக்குகிறது. அடுத்த நொடியில் அவை திசை மாறி, அவை எங்கிருந்து வந்ததோ, அந்த இடத்திற்கே விரட்டப் பட்டு விடுகின்றன !அதைப் போலவே, உங்கள் மனமும் சக்தி வாய்ந்ததாகும். அதை, மாயையின் மேகங்களைத் திரட்டாது, கலைத்து விடுமாறு செய்வதற்குப் பயிற்சி அளியுங்கள்.