நிலத்தடி நீரைப் போல, தெய்வீகம் ஒவ்வொருவருள்ளும் உறைகிறது என்பதை நினைவில் கொள்ளுங்கள். இறைவன் அனைத்து ஜீவராசிகளுக்குள் வசிக்கிறான்; அவன் அங்கிங்கெனாதபடி எங்கும் நிறைந்திருக்கிறான். அவனே ஒவ்வொரு ஜீவராசியின் ஆத்மா. அவன் உங்களுள் இருப்பதைப் போலவே, ஒவ்வொருவருள்ளும் இருக்கிறான்.அவன் பணக்காரனுள் அதிகமாகவோ அல்லது குண்டாக இருப்பவருள் பெரிதாகவோ இருப்பதில்லை.அவனது சுடர், ஒவ்வொருவரின் இதய குகைக்கு ஒளியூட்டுகிறது. சூரியன் அனைவருக்கும் சமமாகவே பிரகாசிக்கிறான்;இறைவனது அருளும் அனைவர் மீதும், ஒரே மாதிரியாக பொழிகிறது.நீங்கள் தான், உங்களுக்கு இதம் அளிக்க வல்ல அவனது அருட்கிரணங்களைத் தடுக்கும் இடையூறுகளை உருவாக்குகிறீர்கள். உங்களது அறியாமை அல்லது அறிவீனம் அல்லது அற்பத்தனத்திற்கு, இறைவனை குறை கூறாதீர்கள். எவ்வாறு, நீர்மட்ட அளவிற்கு ஒரு ஆழ்துளைக் கிணறைத் தோண்டினால், நிலத்தடி நீர் தானாகவே பீறிட்டு எழுகிறதோ, அவ்வாறே, இடையறாத இறைநாமஸ்மரணையின் மூலம், தெய்வீக நீரூற்றைத் தொட்டு விடுங்கள்; பின்னர் என்றோ ஓர் நாள் அது உங்களுக்கு குளிர்ச்சியையும்,முடிவே இல்லாத ஆனந்தத்தையும் அளிக்கும் வண்ணம் அபரிமிதமாக பீறிட்டு எழுந்து விடும்.