உங்கள் ஒவ்வொருவருக்கும், மிக அதிகமான அளவு மனக்குவிப்பு இருக்கிறது. உங்களுக்கு அந்தக் கலை தெரிந்து இருக்கிறது; ஏனெனில் எந்த வேலைக்கும் அது தேவை;அனைவரும் நல்ல மனக்குவிப்பினால் பயன் அடைகிறார்கள். தச்சு வேலை செய்பவர், நெசவாளி,க்ளர்க்,படகு ஓட்டுபவர்- அனைவரிடம் அதிகமாகவோ, குறைவாகவோ அது இருக்கிறது. இந்த மனக்குவிப்பின் சக்தியை, மனதை அதன் நன்மைக்கே செல்லப் பணிக்குமாறு பயன்படுத்துங்கள். மனது வேலை செய்வதை ஆராய்ந்து அதை நல்லோரின் நட்பு வட்டம்,நல்லெண்ணங்கள் மற்றும் நற்செயல்கள் ஆகியவற்றிற்கு மட்டுமே இருக்குமாறு பயிற்சி அளியுங்கள். இறைவனின் எந்த ரூபத்தின் மீதாவது தியானம் செய்யுங்கள்; அவனின் எந்தத் திருநாமத்தையாவது அதன் இனிமையின் விழுப்புணர்வோடு ஸ்மரணை செய்யுங்கள். அது உங்கள் மனம் கூர்மையாக இருக்கக் கற்றுக் கொடுக்கும்; வாழ்க்கையின் சுகங்கள் மற்றும் துக்கங்களில் நல்ல கானத்தை உருவாக்கித் தரும். வாழ்க்கை எனும் அரங்கில் புலனின்பங்கள் பெறுவதற்காக மட்டுமே நுழைந்தால், நீங்கள் பலவிதமான துன்பங்களுக்கு ஆளாக நேரிடும். அது, ஒரு சிறிய படகில், புயலடிக்கும் கடலில், நங்கூரம் இன்றி பயணிப்பது போலாகும். எனவே, ஆன்மீகக் கட்டுப்பாடு என்ற பாதையில் இப்போதே நுழையுங்கள்.