எல்லா விதமான ஆன்மீக சாதனைகளிலும் ப்ரேமைக்கே முதலிடம் உள்ளது. மனிதத் தன்மையின் தலை சிறந்த அடையாளம் ப்ரமையே. அன்பே இறைவன். அன்பில் வாழுங்கள். உங்கள் நாளை அன்புடன் தொடங்குங்கள், உங்கள் நாளை அன்பால் நிரப்புங்கள், உங்கள் நாளை அன்புடன் முடியுங்கள்: இதுவே இறைவனை அடையும் வழி. அஹங்காரத்தின் எந்தச் சுவடும் இன்றி, நீங்கள் சேவையிலும் ஈடுபட வேண்டும். சேவை ஆற்றும் போது, அனைத்து மனிதருள்ளும் இறைவன் அங்கிங்கெனாதபடி உறைகிறான் என்ற உணர்வு இருக்க வேண்டும். பெரும்பாலான மனிதர்கள், தியாக மனப் பாங்கினையோ அல்லது போகத்தை வெறுக்கும் மனப் பாங்கினையோ வளர்த்துக் கொள்ள வில்லை.உண்மையான சேவைக்கு, ஒரு தியாக மனப்பாங்கு அவசியம்.தியாகம் ஒன்றே, அமரத்துவத்தைப் பெறுவதற்கான ஒரே வழியாகும். நீங்கள் எந்த வேலையைச் செய்தாலும், தரையைப் பெருக்கினாலோ அல்லது சமையல் செய்தாலோ அவற்றை ஒரு ஆன்மீக சாதனையாக மாற்றிக் கொள்ளுங்கள். உங்களது ஒவ்வொரு செயலிலும், இறைவன் பால் கொள்ளும் ப்ரேமையை ஊட்டி, அவற்றை இறைவனுக்கே அர்ப்பணியுங்கள்.