அஹங்காரம், ஒவ்வொரு மனிதனுள்ளும், அவனது முந்தைய எண்ணற்ற பிறவிகளிலிருந்து ஆழமாக வேறூன்றியதாகும்.இந்தப் பிறவியிலும் கூட அது , புலனின்பங்கள், அபரிமிதமான சொத்துக்கள், மெச்சுதல் மற்றும் பாராட்டுக்கள், பிறர் மீது ஆதிக்கம், பெயர் மற்றும் புகழ் ஆகியவற்றை நாடி மிக வேகமாக வளருகிறது. உங்களது உண்மை நிலையைப் பற்றிய இடையறாத ஆராய்ச்சியின் மூலம் மட்டுமே, அதை நீக்க முடியும்.நீங்கள் விழித்திருக்கும் போது பலவிதமான உறவுகளை அனுபவிக்கிறீர்கள். பல விதமான மக்கள், உடைமைகள் மற்றும் பிரச்சனைகளில் உங்களுக்கு ஆர்வம் இருக்கிறது.நீங்கள், சுக,துக்கங்கள்,புகழ்ச்சி, இகழ்ச்சிகள், அவமானங்கள் மற்றும் அவதிகளுக்கு உள்ளாகிறீர்கள். நீங்கள் கனவு காணும்போது, இந்த வெளி உலகம் அனைத்தும் தேய்ந்து மங்கி விடுகிறது. நீங்கள் விழித்துக் கொண்ட பிறகு, நீங்கள் சுக துக்கங்களை அனுபவிக்கிறீர்கள்; நீங்கள் அச்சத்தில் ஆழ்ந்து, உங்களையே பரிதவிப்பில் வீழ்த்திக் கொள்கிறீர்கள். ஆழ்ந்து உறங்கும் போது, நீங்கள் கவனமாகவோ அல்லது இயங்கிக் கொண்டோ இருப்பதில்லை. உங்களது உண்மை நிலையான ஆத்மாவோடு நீங்கள் தனித்து இருக்கிறீர்கள். நீங்கள் அதை உதாசீனப்படுத்தினாலும், ஏன் நிராகரித்தாலும் கூட, மூன்று நிலைகளிலும் ( விழிப்பு, கனவு, ஆழ்ந்த உறக்கம்) ஆத்மா உங்களோடு தான் இருக்கிறது ! இந்த ஆத்மாவே சத்தியம் ‘’ அது நீங்களே ( தத்வம் அஸி )’’.