வாழ்க்கை எனும் மரத்திற்கு வேர்களில் நீர் ஊற்ற வேண்டும். அதற்குப் பதிலாக, இக்காலத்தில்,வாழ்க்கைத் தரத்தை உயர்த்த முனைபவர்கள், அதன் கிளைகள், இலைகள் மற்றும் பூக்களில் நீர் ஊற்றிக் கொண்டு இருக்கிறார்கள் ! நல்லொழுக்கங்களே உங்களது வேர்கள். நறுமணம் மிக்க மலர்களான செயல்கள், சொற்கள் மற்றும் சிந்தனைகள் மலர்ந்து, சந்தோஷம் மற்றும் ஆனந்தம் எனும் இனிய பழரசம் நிறைந்த, சேவை எனும் பழங்களைத் தரும் வண்ணம், நீங்கள் அவற்றைப் பேணிக் காக்க வேண்டும். உணவு, உடை மற்றும் உறைவிடத்திற்காகத் திட்டமிடுவது என்பது வண்டியின் நலத்தை மட்டுமே வளர்ப்பதைப் போன்றதாகும்; நீங்கள் குவிக்கும், விலையுயர்ந்த உணவு, அழகான உடை மற்றும் அருமையான உறைவிடம் மற்றும் பிற உலகியலான பொருட்களை பயன்படுத்த வேண்டிய மனிதனின், மனம் எனும் குதிரைக்காகவும், நீங்கள் திட்டமிட வேண்டும். அஹங்காரத்திலிருந்து தப்பி, பரப்பரம்மத்தைச் சேருவது என்று உயர்ந்த மற்றும் சீரிய குறிக்கோளை அடைவதற்காக உங்கள் மனதிற்குப் பயிற்சி அளியுங்கள். விதிமுறைகள் உள்ளிருந்து வர வேண்டுமே அன்றி, வெளிப்புற ஆதாரங்களிலிருந்து அல்ல. உங்களுக்கே உரித்தான உள் உரத்திலிருந்தே, நீங்கள் உங்களையே கட்டுப் படுத்திக் கொள்ள வேண்டும்.