இந்து பஞ்சாங்கத்தின் படி புஷ்ய மாஸம் எனப்படும் இந்த மாதம், அது தரும் சாந்தி, சம்பத்தி மற்றும் சந்தோஷத்திற்குப் பெயர் போனது. எனவே, இது தனிப்பட்ட முக்கியத்துவம் கொண்டதாகக் கருதப் படுகிறது. மனிதர்கள் தங்களது தீய சிந்தனைகள் மற்றும் செயல்களைக் கைவிடாவிடில், இந்த மாதம், எவ்வளவு மேன்மையானதாக இருந்த போதும் பயனற்றதே. உங்களை வெறுப்பவர்கள் மீதும் கூட, அன்புடன் இருங்கள்.உங்களது கோபம் மற்றும் தீய குணங்களைக் கட்டுப் படுத்துங்கள். உத்தராயணத்தைக் ( மங்களகரமானதாகக் கருதப்படும் சூரியனின் வடக்கு நோக்கிய நகருதலை) கொண்டாடுவது என்பது மக்களிடம் ஆன்மீக மனமாற்றத்தை ஏற்படுவதைக் குறிப்பதாக இருக்க வேண்டுமே அன்றி, ஆடம்பரமான விருந்து மற்றும் கேளிக்கைகளால் அல்ல. சுவாசிக்கும் காற்று மற்றும் அருந்தும் நீர் உட்பட,இறைவன் அளித்த பரிசுகளால் நீங்கள் மகிழும் அனைத்து அனுகூலங்களுக்காக, நீங்கள் இறைவனுக்கு எவ்வளவு கடமைப் பட்டுள்ளீர்கள் என்பதை நீங்கள் உணர வேண்டும்.இவைகளுக்கு எல்லாம் நீங்கள் இறைவனுக்கு நன்றி உள்ளவர்களாக இருக்க வேண்டாமா? நன்றியுணர்வு இல்லை எனில் வாழ்க்கைக்கு அர்த்தமே இல்லை.