காலம் தெய்வ ஸ்வரூபம். அதனால் தான், இறைனது பல திருநாமங்களில் ஒன்று ஸம்வத்ஸர என்பது. காலம் இறைவனின் இன்றியமையாத தன்மையாதலால், இறைவன் காலாத்மகன் எனப்படுகிறான். அவன் க்ருத, த்வாபர மற்றும் கலி யுகங்களைப் படைத்து, பின் அழிப்பதால், இறைவன் யுகங்களைப் படைத்தவன்( யுகாதிக்ருத் ) என்றும் அழைக்கப் படுகிறான். அனைத்தையும் தன்னுள் அடக்கி வைத்து, அவற்றைக் காப்பதால், இறைவன் காலகர்ப்ப ( காலத்தின் கருவறை) என்றும் அழைக்கப் படுகிறான்.அன்பின் திருவுருவங்களே ! இந்தப் புத்தாண்டில் கிருகங்களின் சேர்க்கையால் ஏற்படக்கூடும் என எச்சரிக்கப்படும் விளைவுகளை, இறை நாமத்தில் வைக்கும் உறுதியான நம்பிக்கை, விரட்டி விடும். பல விதமான சச்சரவுகள். அபாயங்கள் மற்றும் பேரழிவுகள் வரக்கூடும் எனக் கூறப்பட்டிருந்தாலும் கூட, பல மகிழ்ச்சி தரும் நிகழ்வுகளும் ஏற்பட வாய்ப்பு உண்டு. இறைவன் எப்போதும் சான்றோர்களையும், ஆன்றோர்களையும் காத்திடுவான். பக்தர்கள் அனைவரும் தங்களது கடமைகளை, ஒரு அர்ப்பணிப்பு உணர்வுடனும், திடமான இறை நம்பிக்கையுடனும் ஆற்றுமாறு நான் அறிவுறுத்துகிறேன்.