பூஜை அறையே ஒவ்வொரு இல்லத்தின் மையமாக இருக்க வேண்டும்; அதிலிருந்து வரும் ,பூக்கள் மற்றும் அகர்பத்தியின் சுகந்தம், இல்லம் முழுவதும் பரவி இல்லத்தினைத் தூய்மைப் படுத்த வேண்டும். பூஜை அறையை இல்லத்தின் இதயமாக ஆக்குவதில் தாயார் முன்னுதாரணமாக இருக்க வேண்டும். அவள், குழந்தைகளின் சுய தூய்மை, பணிவு மற்றும் விருந்தோம்பல், நன்னடத்தை மற்றும் சேவைப்பணிகள் ஆகியவற்றில் கட்டுப்பாட்டைச் செயல்படுத்த வேண்டும். பெரியோர்கள் மதிப்பது,காலை மற்றும் மாலையில் வழிபாடு மற்றும் மௌனமான தியானத்திற்காக சிறிது நேரத்தை ஒதுக்குவது ஆகியவற்றில், அவளே முன்னுதாரணமாக இருந்து நடந்து காட்டி , குழந்தைகளையும், அவற்றிற்கு இணங்குமாறு செய்ய வேண்டும். பூஜை அறை தூய்மையானதாகவும், பரிசுத்தப் படுத்தப் பட்டதாகவும் இருக்க வேண்டும்; விசேஷ பண்டிகைகளைக் கொண்டாடி,அதன் மூலம் அவற்றின் முக்கியத்துவத்தை இளம் உள்ளங்களில் பதியுமாறு செய்ய வேண்டும். எவ்வளவு சுயநலம் மற்றும் அகந்தை கொண்டவராக கணவர் இருந்தாலும்,இறை வழிபாட்டை மையக் கருத்தாகக் கொண்டு வீட்டின் கால அட்டவணையை முறைப்படுத்துவதன் மூலம்,இறை மையமாக இருக்கும் ஒரு இல்லம் எவ்வாறு சாந்தி ,சந்தோஷமுள்ள இல்லமாக இருக்கிறது என்பதை , அவர் வெகு விரைவில் உணருவார். அவரும் விரைவில் அவற்றைப் பின்பற்றி, இறை நம்பிக்கையின் ஒரு நற்றூணாகத் திகழ்வார்.