தெய்வீக அன்பின் திருவுருவங்களே! ஒவ்வொருவரும் சந்தோஷத்தையே விரும்புகின்றனர்; துக்கத்தை தவிர்க்க விரும்புகிறார்கள்.ஆனால் இந்த உலகில், சத்தியமும்,அசத்தியமும், தர்மமும்,அதர்மமும்,நீதியும், அநீதியும், காலத்தோடு வந்து மாறிக் கொண்டே இருக்கின்றன. எந்த இறுதியான கோட்பாட்டிலிருந்து ,நல்லவை, தீயவை என்ற இரண்டும் தோன்றுகின்றனவோ, அதன் மீது ஒருவர் நம்பிக்கை வைக்க வேண்டும். ஒவ்வொரு நாளும், ஒருவர் சந்தோஷம் மற்றும் துக்கத்தை அனுபவிக்கிறார்;பரிவையும்,வெறுப்பையும் வரவேற்கிறார்; கவலைகளையும், துக்கத்தையும் வரவழைத்துக் கொள்கிறார். இந்த நிலைமையில், ஒருவர் எவ்வாறு சாந்தியுடன் இருக்க முடியும்?ஒரு உண்மையான மனிதன், சமச்சீரான மன நிலையில் நம்பிக்கை கொண்டிருக்க வேண்டும்-எவ்வாறு சந்தோஷத்தை வரவேற்கிறாரோ, அவ்வாறே ஒருவர் துக்கங்களையும் கூட வரவேற்கத் தக்கவராக இருக்க வேண்டும்.நீங்கள் இறைவன் மீது நம்பிக்கை கொண்டு,அவனது ப்ரேமையை உங்கள் இதயங்களில் அனுபவிக்க வேண்டும்.நீங்கள் ஒவ்வொருவராலும் மதிக்கப் பட வேண்டும் என்று விரும்பினால், நீங்கள் ஒவ்வொருவரையும் மதிக்க வேண்டும். பணக்காரரோ அல்லது ஏழையோ, உயர்ந்தவரோ அல்லது தாழ்ந்தவரோ, அனைவருக்கும் சுயமரியாதை இருக்கிறது.ஒருவர், தனது சுயமரியாதையைக் காத்துக் கொள்ள, முயற்சி செய்ய வேண்டும்.உண்மையான சுய மரியாதை உள்ள ஒருவர் அனைவரையும் மதிப்பார்.இன்று புதிதாக நான் உங்களுக்குச் சொல்லக் கூடியது எதுவுமில்லை. ஒவ்வொருவரும் ஆனந்தத்தை அடைந்து, துயரத்தை வெல்ல வேண்டும்; உண்மையான அன்பை வளர்த்துக் கொண்டு, தெய்வீகத்தை அனுபவியுங்கள். இன்று இதுவே எனது முக்கியமான அறிவுரையாகும்,