எவரும் தங்களை அற்பமானவர்கள் என்றோ அவசியமற்றவர்கள் என்றோ கருதக் கூடாது.ஒரு ராக்கெட்டின் எல்லா பாகங்களையும் போல, ஒவ்வொருவரும், பெரியவரோ அல்லது சின்னவரோ, முழுமையின் ஒரு இன்றியமையாத பாகமும், உலகில் ஒரு அத்தியாவசியமான அங்கமும் ஆனவர்களே.ஒரு சிறிய, பாகம் கூட,பழுதடைந்து விட்டால், ராக்கெட்டை வெடித்து விடச் செய்யக் கூடும்.அதைப் போலவே, இந்த பரந்து விரிந்த பிரபஞ்சம் சுமுகமாக செயல்படுவதை உறுதி செய்வதற்கு, ஒவ்வொரு ஜீவராசியும் ஒரு முக்கியமான பணியை ஆற்றுகின்றது. இன்று, ஒற்றுமையோ, தூய்மையோ அல்லது தெய்வீகத்தைப் பற்றிய விழிப்புணர்வோ எங்கும் இல்லை. எப்போது, சிந்தனை, சொல், மற்றும் செயல் ஆகியவற்றிற்கு இடையே இசைவு இல்லையோ, அப்போது மனிதத்துவம் வீழ்ச்சி அடைகிறது. மனிதத்துவத்தை பேணுவதற்கு, ஒற்றுமையை ஊக்குவிக்க வேண்டும். நாம் பல பண்டிகைகளையும், பிறந்த நாட்களையும் கொண்டாடுகிறோம். விழாக் கொண்டாட்டங்களோ, ஆடை அணிகலன்களோ அல்லது சொற்பொழிவுகளோ முக்கியமானவை அல்ல. உணர்வுகளே முக்கியமானவை. எண்ணத் தூய்மை இன்றி, ஞானத்தின் தூய்மையைப் பெற முடியாது. உங்களது மனங்களை பரிசுத்தமாக்க விழையுங்கள். அனைவரிடத்திலும், தன்னலமற்ற அன்பை வளர்த்துக் கொண்டு, சமுதாய சேவையில் உங்களை ஈடுபடுத்திக் கொள்ளுங்கள். கிராம சேவையே, ஸ்ரீராம சேவையாகும்.