இந்தக் காலத்தில் பல ஆண்கள் , பெண்களை துச்சமாக மதித்து, அவர்களை வெறும் பணியாளர்களைப் போல நடத்துகிறார்கள். இது மிகப் பெரிய தவறாகும். ஒரு ஆண், ஒரு பெண்ணை அதிகமாக மதிக்க மதிக்க, அவனும் அதிகமாக மதிக்கப் படுவான்.பெண்களை விடத் தாங்கள் பலமானவர்கள் மற்றும் சக்தி வாய்ந்தவர்கள் எனக் கருதி, ஆண்கள், அவர்களிடம் ஆணவமாக நடந்து கொள்ளக் கூடாது. இன்று பலருக்கு, பத்மவிபூஷண், பத்மஸ்ரீ போன்ற பல பட்டங்கள் அளிக்கப் படுகின்றன. ஆனால், பண்டைய காலங்களிலிருந்தே பெண்களுக்கு, க்ருஹலக்ஷ்மி, இல்லாளு, தர்மபத்னி, அர்த்தாங்கினி( ஆணில் பாதியானவள்) போன்ற பல பட்டங்கள் அளிக்கப் பட்டுள்ளன.இவை அனைத்தும் தலை சிறந்த, புனிதமான பட்டங்கள். இப்படிப் பட்ட மேன்மையான பட்டங்களைப் பெற்றுள்ள பெண்கள், எப்படி ஆண்களை விடத் தாழ்ந்தவர்களாக இருக்க முடியும்?ஒவ்வொரு மனிதனும், தங்கள் இல்லத்தில் உள்ள பெண்கள் கண் கலங்காதவாறு பார்த்துக் கொள்ள வேண்டும். மனைவியின் தவறுகளைச் சுட்டிக் காட்டும் உரிமை கணவனுக்கு உண்டு; ஆனால், அவன் கடுமையான வார்த்தைகளைப் பயன்படுத்தி, அவளது மனதைப் புண்படுத்தக் கூடாது.கடுமையான வார்த்தைகளை எவரிடமும் பயன் படுத்தாதீர்கள். இனிமையாகவும், இதமாகவும் பேசுங்கள்.இந்தக் கோட்பாடுகளை நீங்கள் கடைப்பிடித்தால், உங்கள் குடும்பம் சாந்தி, சௌபாக்கியங்களைப் பெறும்.