16 வயதிற்கும், 32 வயதிற்கும் இடையே உள்ள காலம் ஒரு பொன்னான காலமாகும். தங்கள் மனதில் தோன்றும் ஒவ்வொரு தீய சிந்தனை அல்லது எண்ணத்தை இனம் கண்டு, அவற்றை முழுமையாக அழிப்பதே ஒவ்வொரு இளைஞனின் கடமையாகும். மனம் ஒரு மதி கெட்ட குரங்கைப் போன்றது; அதற்கு நீங்கள் அடி பணியக் கூடாது.ஒரு சிந்தனை உங்கள் மனதில் வந்த உடனேயே, நீங்கள், அது ஒரு நல்ல எண்ணமா அல்லது கெட்டதா என ஆராய வேண்டும்.நீங்கள் மனதைக் கட்டுப் படுத்தி அதை உங்களது கட்டளைக்குப் பணியுமாறு வைத்திருக்க வேண்டும். உங்கள் மனதில் எழும் எல்லா ஆசைகளுக்கும் இடம் கொடுக்க, நீங்கள் தயாராக இருத்தல் கூடாது.உங்கள் வழியில் வரும் தடைகளை அனைத்தையும் வென்று, உங்களது சிந்தனைகள் மற்றும் செயல்களைக் கட்டுப்படுத்துவதற்குத் தேவையான அனைத்து வலிமையும் உங்களிடம் இருக்கும் கட்டமே, இளமை. இந்தக் கட்டத்தில், நீங்கள் கோபத்தையோ , பொறாமையையோ அல்லது மனக்கிளர்ச்சியையோ உணர்ந்தால், உங்களது சக்தி அனைத்தையும் பயன்படுத்தி இந்த மனப்பாங்குகளைக் கட்டுப் படுத்துங்கள். இப்போது உங்களது உணர்வுகளை கட்டுப் படுத்த வேண்டாம் என நீங்கள் முடிவு எடுத்தால், அதைப் பின்னர் செய்ய உங்களுக்கு சக்தி கிடைக்குமா?