மிகவும் கஷ்டமான தருணங்களில், பாண்டவர்கள் பகவான் ஸ்ரீகிருஷ்ணரையே நினைத்துக் கொண்டு இருந்தார்கள்; இது பகவான் ஸ்ரீகிருஷ்ணருக்கும், பாண்டவர்களுக்கும் உள்ள நெருங்கிய சம்பந்தத்தையும். நட்பையும் பற்றி நமக்கு ஒரு பாடம் புகட்டுகிறது. பாண்டவர்கள் அவர் மீது வைத்திருந்த புனிதமான ப்ரேமையின் காரணமாக, பகவான் ஸ்ரீகிருஷ்ணர் அவர்களை, கண்களை , இமைகள் காப்பது போலக் காப்பாற்றினார்.நல்ல நேரங்களிலும், கெட்ட நேரங்களிலும், அவர்கள் ஒரு முழு வருடம் காட்டில்,அஞ்ஞாத வாசம் செய்த போதும் கூட, அவர், அவர்களது தோழனாக, அவர்களுக்கு உறுதுணையாக இருந்தார். இதுவே உண்மையான நட்பின் பொருளாகும். இந்நாளில் உள்ள நட்பின் தரத்தை நாம் பார்த்தோமானால்,உண்மையான நட்பின் அடையாளம் எங்கும் இல்லை.ஏரியில் நீர் நிரம்பி இருக்கும் போது, தவளைகள் அங்கு கூட்டமாகக் காணப்படும்; ஏரி வற்றி விட்டால, அனைத்துத் தவளைகளும் மாயமாக மறைந்து விடும்.அதைப் போலவே, நீங்கள் செல்வச் செழிப்போடு இருக்கும் போது, ஒவ்வொருவரும் உங்களது நண்பரே; ஆனால் அந்த செல்வம் கரைந்து விட்டால், எவரும் இருப்பதில்லை. எல்லாக் காலங்களிலும், உங்களுடன் இருக்கும் உண்மையான நண்பன் இறைவன் ஒருவனே என்பதை நினைவில் கொள்ளுங்கள்.