அந்த ஒரே தெய்வீகம் தான் எல்லா ஜீவராசிகளிலும் உறைகிறது(ஏகாத்மா ஸர்வபூதன்தராத்மா) என்று கூறப்படுகிறது. இப்போது, சிலருக்கு,’’ அப்படி என்றால், நான் ஏன் அந்த ஒரு மனிதருடன் நட்பு வைத்துக் கொள்ளக் கூடாது?’’ என்ற ஒரு சந்தேகம் வரக்கூடும். எப்போது ஒருவருடைய வயது,நடத்தை மற்றும் சிந்தனைகள், உங்களது ஒழுக்க மற்றும் ஆன்மீக முன்னேற்றத்திற்கு ஏற்றவையாக இல்லையோ, அப்படிப் பட்ட மனிதருடன் நீங்கள் நட்பை வளர்த்துக் கொள்ளக் கூடாது. நீங்கள் அப்படிச் செய்தால், நீங்களும், அவர்களைப் போல ஆகி விடுவீர்கள். ‘’ உங்களது நட்பு வட்டம் எது என்று கூறு , நான் நீ யார் என்று கூறி விடுவேன்’’ எனப் படுகிறது. எனவே, நீங்கள் பக்தி சிரத்தையுள்ள, நல்ல மற்றும் சீரிய மனிதர்களின் நட்பு வட்டத்தில் இருங்கள். ஆதி சங்கர பகவத்பாதர், தனது புகழ் வாய்ந்த பஜகோவிந்தத்தில், ஸத்ஸங்கத்வே, நிஸ்ஸங்கத்வம் என்று பறைசாற்றுகிறார்.நல்வர்களின் நட்பு வட்டம் உங்களை பற்றின்மைக்கு இட்டுச் செல்கிறது, பற்றின்மை உங்களை மாயையிலிருந்து விடுவிக்கிறது, மாயையிலிருந்து சுதந்திரம் என்பது உங்களை நிலைகுலையாத மனப்பாங்கிற்கு இட்டுச் செல்கிறது; நிலைகுலையாத மனம் மோக்ஷத்தை அளிக்கிறது. எனவே, நல்லவர்களின் நட்பு வட்டத்தில் இருந்து,நல்ல வாரத்தைகளைப் பேசி, நல்லவற்றையே கண்டு, ஒரு நல்ல மனிதராக ஆவேன் என்ற உறுதி மொழி எடுத்துக் கொள்ளுங்கள்.