புலன்கள் மற்றும் நமது உடலுக்கு நாம் கட்டுண்டு இருக்கும் வரை, நாம் வாழ்வில் முன்னேற முடியாது.எனவே, நாம் நமது புலன்களைக் கட்டுப் படுத்த வேண்டும்.பயனுள்ள விளைவுகளைப் பெற,நாம் முதலில், ப்ரேமை, கருணை மற்றும் தியாகத்தை அபிவிருத்தி செய்ய வேண்டும். எப்போது நமது இதயத்தை இந்த மூன்று குணங்களால் நிரப்புகிறோமோ, அப்போதே அது ஒரு அழகான நந்தவனமாக பூத்துக் குலுங்கும்.அதற்கு மாறாக,அதை நாம் த்வேஷம், பொறாமை மற்றும் கோபத்தால் நிரப்பினால், பின்னர் அது ஒரு துர்நாற்றமெடுக்கும் குட்டையாக ஆகி விடும். ஒவ்வொருவரும் சிந்தித்து, நாம் நமது இதயம் ஒரு நந்தவனம் ஆக வேண்டுமா அல்லது ஒரு அசுத்தமான, நாறும் குட்டையாக வேண்டுமா என்று முடிவு செய்ய வேண்டும்.நீங்கள் அனைவரும் உங்களது இதயத்தை பவித்ரமான குணங்களால் நிரப்ப முயல வேண்டும்.நாம் சந்தோஷமாக இருக்கும் மனிதர்களைப் பார்க்கும் போது, அவர்களது சந்தோஷத்தைக் கண்டு நாமும் சந்தோஷப் பட வேண்டும்.நாம் துன்பத்தையும், துயரத்தையும் காணும் போது,நாமும் கூட அவர்களது துன்பத்தில் பங்கேற்க வேண்டும். இந்த மனப்பாங்கே மைத்ரி-பாவம் எனப்படுகிறது. கருணையையும், நல்லவற்றையும் அபிவிருத்தி செய்ய எல்லா முயற்சிகளையும் மேற்கொள்ளுங்கள்.