ஒரு வாழை மரம் பலவிதங்களில் பயனளிக்கிறது; வாழை இலை உணவு பரிமாற, அதன் பூ சமையல் செய்ய, அதன் பட்டை. அதிக நார் உள்ள பொருளாக இருப்பதால் கட்டுவதற்கு, என உதவுகின்றன; ஆனால் அதன் பிரதான பயன் வாழைப் பழத்தார்களாக பயன்படுவது தான் ! நீங்கள் அந்த மரத்தை நட்டு வளர்க்க முழுவதும் பாடுபடுவதெல்லாம் வாழைப் பழங்களுக்காகவே அன்றி, அதன் இலை, கயிறு, தண்டு அல்லது பூக்களுக்காக அல்லவே. அதைப் போலவே, இந்த மனித உடலின் பிரதான பயன் தெய்வீகத்தை உணருவது தான்; மற்றவை அனைத்தும் தற்செயலானவையே. நீங்கள், ‘’ ஓ! இந்த கைகளுக்கு எவ்வளவோ வேலை இருக்கிறது ‘’ என்று கூறலாம். நீங்கள் அவற்றை எல்லா விஷயங்களுக்கும் பயன்படுத்தினாலும், அதனது பிரதான நோக்கம் பிரார்த்திப்பதும், இறைவனை வழிபடுவதும், அவன் திருப்பாதங்களை இறுகப் பற்றிக் கொள்வதும் தான்.காதுகள் அவனது மாட்சிமையைக் கேட்பதற்காகவும், கண்கள் அவனது திருவுருங்களைக் காண்பதற்காகவுமே வடிவமைக்கப் பட்டுள்ளன! நாக்கு பெரும்பாலும் வம்பு பேசுவதற்கோ அல்லது முகஸ்துதி செய்வதற்கோ தான் தவறாகப் பயன்படுத்தப் படுகிறது.அதை இறைவன் ஸங்கல்பித்தபடி, இறைவனது மாட்சிமையைக் குறிக்கும் ஸ்லோகங்களைப் பாடுவதற்குப் பயன்படுத்துங்கள்.