துன்பத்தை அறியாமல், இன்பம் சுகமளிப்பதாக இருக்காது.துயரம் இல்லாமல், நீங்கள் சந்தோஷத்தின் அர்த்தத்தைப் ஒருபோதும் புரிந்து கொள்ள மாட்டீர்கள். இந்த இரண்டு அம்சங்களும் எப்போதும் இருந்தாலும் கூட, நாம் சந்தோஷத்தையே வளர்க்க முயல வேண்டும். நமது உடலில், நல்ல இரத்தம் ஒரு பக்கம் ஓடிக் கொண்டு இருந்தாலும், அதே சமயம், மற்றொரு பக்த்தில் அசுத்த இரத்தம் உள்ளது. நம்முடைய வீடுகளில் கூட, நல்ல தூய குடிநீர் ஒரு பக்கம் ஒரு குழாயில் கொண்டு வரப்பட்டாலும், அசுத்தமான, கெட்ட கழிவு நீர், இன்னொரு குழாய் வழியாக வெளியேற்றப் பட்டுக் கொண்டு இருக்கும். இரண்டும் , ஒரே வீட்டில் இருக்கின்றன.அதைப் போலவே, ஒரு கிராமம் அல்லது நகரத்தில், குடி தண்ணீர் சில குறிப்பிட்ட குழாய்கள் வழியாகக் கொண்டு வரப்படும் போதே, அதன் கூடவே, கழிவு நீரைக் கொண்டு செல்லும் குழாய்களும் இருக்கும்; சில சமயங்களில் இரண்டுமே , வெளிப்புறத்தில் பார்ப்பதற்கு, ஒரே மாதிரி தோற்றமளிக்கும். அதைப் போலவே, நமது மனதிலும் இரண்டு எண்ண ஓட்டங்கள் உள்ளன. ஒன்று நல்ல சிந்தனைகளின் ஓட்டம், மற்றது புனிதமற்ற எண்ணங்களின் ஓட்டம்; இரண்டும் ஒன்றாகவே ஓடிக் கொண்டு இருக்கின்றன. இதில் நல்லவற்றை மட்டும் ஏற்று, தீயவற்றை நிராகரிப்பதற்கான எல்லா முயற்சியையும் நீங்கள் செய்ய வேண்டும்.