தெய்வீக அன்பின் திருவுருவங்களே! ப்ரேம தத்துவத்தை வளர்த்துக் கொண்டு, ஆனந்தத்தை அனுபவிப்பதற்கு, உங்கள் சிந்தை, சொல், மற்றும் செயல் அனைத்திலும் ப்ரேமையை வெளிப்படுத்துங்கள்.எப்போது நீங்கள் ப்ரேமையால் நிரம்பியுள்ளீர்களோ, அப்போதே அனைத்து துன்பங்களும் , துயரங்களும் மறக்கப் பட்டு விடும்.இந்த ப்ரேம தத்துவத்தைப் பரப்புவதற்காகவே, அவ்வப்போது அவதாரங்கள் நிகழ்கின்றன.தன்னலமற்ற ப்ரேமையே ஸ்ரீகிருஷ்ண தத்துவத்தின் சாரமாகும்.இறைவன் ஒவ்வொரு மனிதனுள்ளும் உறைந்திருந்த போதிலும், எள்ளில் , எண்ணெயைப் போல அவன் மறைந்துள்ளான். உங்களுள் உள்ள தெய்வீகத்தை வெளிப்படுத்துவதற்கு, நீங்கள் சோதனைகளையும், கஷ்டங்களையும் அனுபவித்தே ஆக வேண்டும். இப்படிப் பட்ட துன்பகரமான அனுபவங்களின் மூலம் இறைவன் பால் கொள்ளும் ப்ரேமை வளர வேண்டும். தங்கம் எவ்வாறு உலையில் அதிகமாக உருக உருக,அதன் பளபளப்பு அதிகமாகிறதோ, அவ்வாறே உங்களது பக்தி, ஒரு இடையறாத சுத்திகரிப்பு முறைக்கு ஆளாக வேண்டும். ஸத்ஸங்கத்தையும், தெய்வீக ப்ரேமையால் நிரம்பியவர்களின் நட்பு வட்டத்தையும், வளர்த்துக் கொள்ளுங்கள். அந்த ஸத்ஸங்கத்தை, உங்களது மிருக இயல்புகளை விட்டொழித்து, மனிதனிலிருந்து , மாதவனாக முன்னேறுவதற்குப் பயன்படுத்துங்கள்.