சாந்தியை விரும்புபவர்களுக்கு மஹாபாரதம் ஒரு இலட்சிய இதிஹாசமாகும். நாம் மனிதர்களாக இருக்கும் வரை இறைவனது செயல்களைப் புரிந்து கொள்ளவோ, தொடரவோ இயலாது.ஆனால், நாம், இறைவன் ஒரு மனித உருவெடுத்து வந்து ஆற்றும் செயல்களை ஏற்றுக் கொண்டு பின்பற்ற வேண்டும். இன்றைய சூழ்நிலையில், மஹாபாரதத்தில் எடுத்துக் காட்டப் பட்ட இலட்சியங்களை ஏற்றுக் கொண்டு , பின் பற்றுவோமேயானால், அனைத்து தேசங்களும் கண்டிப்பாக வளமை பெறும். உதாரணமாக, பகவான் ஸ்ரீகிருஷ்ணர், அமைதிப் பேச்சு வார்த்தைக்காகச் சென்ற போது, துரியாதனன் தனது விருந்தோம்பலை ஏற்றுக் கொள்ளுமாறு வேண்டினான்; ஆனால், பகவான் ஸ்ரீகிருஷ்ணர், தான் ஒரு குறிக்கோளுடன் வந்திருப்பதாகவும், அது நிறைவேறும் வரை அவனது விருந்தோம்பலை ஏற்றுக் கொள்வது முறையல்ல என்றும் கூறிவிட்டார். எனவே, அவர், துரியோதனன் அளிக்க வந்த விருந்தோம்பலை மறுத்து விட்டு, விதுரரின் வீட்டில் சென்று தங்கினார்.அந்நாளில், அரசியல் பரிமாற்றங்களில் கூட இப்படிப் பட்ட நடைமுறை விதிகள் பின்பற்றப் பட்டன.; நமது முன்னோர்களின் ஒழுக்க நெறி மிக உயர்ந்த நிலையில் இருந்தது. இவ்வாறு, பாண்டவர்கள் மற்றும் பகவான் ஸ்ரீகிருஷ்ணரின் ஒவ்வொரு செயலும் நமக்கு ஒரு இலட்சியப் பாடமாகும்.