உங்களது நாக்கு ஏதாவது ருசியான ஒரு பதார்த்தத்திற்காக ஏங்கும் போது,அதனது சலனங்களுக்கு தீனி போட மாட்டேன் என்று உறுதியாகக் கூறிக் கொள்ளுங்கள்.அதிக உப்போ அல்லது காரமோ இல்லாத எளிமையான ஆனால் தேவையான அளவு போஷாக்கான உணவை உங்களுக்கு நீங்களே கொடுத்துக் கொண்டே வந்தீர்களானால், ,சில நாட்களுக்கு அது நிம்மதியின்றி நெளியும்; ஆனால் விரைவில் அதையே அது வரவேற்கும்.அதை அடக்கி, அது உங்களது எஜமானனாக ஆவதால் ஏற்படும் தீய விளைவுகளை வெல்வதற்கான வழி இதுவே. நாக்கு, அவதூறான மற்றும் காமம் மிகுந்த பேச்சையும் அதே அளவு வற்புறுத்தும் தன்மை கொண்டதால், இந்தப் போக்கையும் நீங்கள் தடுக்க வேண்டும். குறைவாகப் பேசுங்கள்; இனிமையாகப் பேசுங்கள்; பேச வேண்டிய கட்டாயம் இருந்தால் மட்டும் பேசுங்கள்.மேலும், யாரிடம் பேச வேண்டுமோ அவரிடம் மட்டுமே பேசுங்கள்; கத்தவோ அல்லது கோபம் அல்லது உற்சாகத்தில் உங்களது குரலை உயர்த்தவோ செய்யாதீர்கள். இப்படிப் பட்ட கட்டுப்பாடு உங்களது ஆரோக்கியம் மற்றும் மனச்சாந்தியை மேம்படுத்தும். இது சிறந்த சமுதாய உறவுகள் மற்றும் குறைவாக சச்சரவுகளில் பங்கேற்பது ஆகியவற்றிற்கு வழி வகுக்கும்.இது உங்களது சக்தி மற்றும் நேரத்தை சேமித்து வைக்க உதவும்;நீங்கள் உங்களது உள்ளார்ந்த திறன்களை மேலும் சிறந்த வகையில் பயன்படுத்த முடியும்.